Италиядан 6 та, Англиядан 4 та ва Испаниядан 2 та вакил Еврокубокларнинг 1/4 финалида иштирок этади

Футбол бўйича Чемпионлар Лигаси, Европа Лигаси ва Конференциялар Лигасининг чорак финал иштирокчилари номи маълум бўлди.

Унга кўра, 6 та италян клуби Еврокубоклар чорак финалида иштирок этади. “Наполи”, “Милан” ва “Интер” ЕЧЛда Италия шарафини ҳимоя қилса, “Ювентус” ва “Рома” Европа Лигасида ҳаракат қилади. Шунингдек, “Фиорентина” Конференциялар Лигаси 1/4 финалига йўл олди.

Англиянинг эса 4 та жамоаси (“Челси” ва “Манчестер Сити” ЕЧЛда, “Манчестер Юнайтед” ЕЛда ва “Вест Ҳэм” Конференциялар Лигаси) Еврокубокларда ўз курашини давом эттирмоқда. “Бельгия”дан эса 3 та жамоа (“Юниён”, “Гент” ва “Андерлехт”) 1/4 финалга йўл олди. Германия (“Бавария” ва “Байер”), Испания (“Реал” ва “Севилья”), Нидерландия (“Фееноорд” ва “АЗ”) ҳамда Португалиядан (“Бенфика” ва “Спортинг”) иккитадан вакил ушбу босқичда ўйнайди. Швейцария (“Базел”), Франция (“Ницца”) ва Польшадан (“Лех”) биттадан вакил ўз иштирокини давом эттиради.