Шавкат Мирзиёевнинг Туркияга амалий ташрифи якунланиб, давлат раҳбари Тошкентга жўнаб кетди. Бу ҳақда Президент матбуот хизмати хабар берди.
Хабарга кўра, 15 март куни давлат раҳбари Туркия Президенти Ражаб Тоййиб Эрдўғон билан учрашув ўтказди. 16 март куни Анқара шаҳрида президент раислигида Туркий давлатлар ташкилотининг навбатдан ташқари саммити бўлиб ўтди. Давлат раҳбари ўз нутқида қатор муҳим ташаббусларни илгари сурди.
Венгрия бош вазири Виктор Орбан ва Туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедов билан ҳам учрашувлар бўлиб ўтди.
Саммит якунлангач, Шавкат Мирзиёевни Туркия президенти Ражаб Тоййиб Эрдўғон кузатиб қўйди. Давлат раҳбари Тошкентга жўнаб кетди.
Изоҳ (0)