NASA 15 март куни Axiom Space вакиллари билан биргаликда 2025 йилда Аrtemis 3 миссияси доирасида астронавтларнинг Ойга қўниши учун мўлжалланган скафандр прототипини тақдим этди. Бу ҳақда The Guardian хабар берди.
Maxсус кийим ўтган асрнинг 60 йиллари охири ва 70 йиллари бошларида астронавтлар Ой юзасида саёҳат қилганларида ишлатган скафандрларга қараганда анча мослашувчан. У аёллар учун кўпроқ мос келади ва Ойга парвоздан кейин ҳеч қачон Ерга қайтмайди. NASA режасига кўра, 2025 йил охирида Аrtemis 3 миссияси доирасида тўртта астронавт Ойга учади ва улардан икки нафари унинг юзасига қўна олади. Ушбу миссия доирасида биринчи марта аёл учиши режалаштирилган.
Axiom Space томонидан NASA учун ишлаб чиқилган янги скафандр АхEMU деб аталади. У модернизацияланган, қулай ва мослашувчан бўлиши учун сезиларли даражада қайта ишланган. Мазкур скафандрлар қора, кўк ва оловрангда тақдим қилинган, бироқ Axiom Space прототипидан фарқли ўлароқ, ҳақиқий скафандрлар оқ рангда бўлади. Шу тариқа астронавтлар Ойнинг жанубий қутбида қуёш радиациясининг иссиқлигидан яхшироқ ҳимояланади, у ерга 50 йил ичида биринчи марта одам қўнади.
Бундан ташқари, скафандрлар табиий йўлдош орбитасида абадий қолиши ва ҳеч қачон Ерга қайтмаслиги маълум бўлди. Сабаби “Orion” космик кемасининг ўзига хос вазн чекловлари бор, астронавтлар Ерга қайтиш учун енгилроқ костюмларга ўтиши керак бўлади. Гап шундаки, космонавтлар бортга Ой тупроғининг бир қисмини ва эҳтимол қўшимча жиҳозларни олиб чиқади. Буларнинг барчаси скафандрларни қолдириб кетиш орқали амалга ошириш мумкин.
Изоҳ (0)