Жанубий Корея президенти Юн Сок Ёл Шимолий Корея қитъалараро баллистик ракета учиришидан кўп ўтмай, бу Пхенян учун қандай оқибатларга олиб келишини мумкинлигини маълум қилди. Бу ҳақда The Korea Times хабар берди.
Жанубий Корея раҳбари 16 март куни Шимолий Корея провокациялари учун товон тўлаши ҳақида гапирди. У ҳарбийларга Шимолий Кореяга қарши курашга тайёрлигини сақлаб қолиш учун АҚШ билан Freedom Shield қўшма машқларини ўтказишни буюрди. Бу ҳақда Жанубий Корея президенти Миллий хавфсизлик кенгашининг фавқулодда йиғилишида айтиб ўтган.
КХДРнинг сўнгги ракета учириши (16 март куни) Жанубий Корея президенти бош вазир Фумио Кисида билан саммит учун Японияга ташриф буюришидан бир неча соат олдин содир бўлди. Сўнгги 10 йил ичида биринчи марта ўтаётган саммит икки давлат ўртасидаги тарихий, сиёсий ва иқтисодий келишмовчиликларни бартараф этиш ҳамда Шимолий Корея таҳдиди ва бошқа таҳдидларга қарши ҳамкорликни яхшилашга қаратилган уринишнинг бир қисмидир. Жанубий Корея ҳам, Япония ҳам мудофаа харажатлари ва қўшма ҳарбий машқларни оширмоқда.
"Шимолий Кореянинг ядровий ва ракета таҳдиди кучайиб бораётгани шароитида Корея ва Япония ўртасидаги ҳамкорликка бўлган эҳтиёж ортиб бормоқда”, — дейди Жанубий Корея президенти.
Изоҳ (0)