Тожикистон аҳолиси — энг кўп, Туркманистон фуқаролари эса 2 кун. Марказий Осиё аҳолиси Наврўзда неча кун дам олади?

Ўзбекистон

Ўзбекистон аҳолиси Наврўз байрамида кетма-кет беш кун дам олади: 18, 19, 20, 21, 22 март кунлари. Байрам тадбирлари 19 мартдан 22 мартгача ҳар куни ўтказилади.

Қозоғистон

Кейинги ҳафта қозоғистонликлар фақат икки кун — душанба ва жума кунлари ишлайди. Наврўз байрами муносабати билан уч кун — 21, 22 ва 23 март кунлари дам олинади. 

Қирғизистон

Қирғизистон фуқаролари байрамда 4 кун дам олиши мумкин. “2023 йил учун ишлаб чиқариш календари ва иш вақтини тасдиқлаш тўғрисида”ги ҳукумат қарорига кўра, давлат ва шаҳар бошқармалари, давлат бюджетидан молиялаштириладиган ва беш кунлик иш ҳафтаси жадвали бўйича ишлайдиган муассаса ва корхона ходимлари 18–21 март кунлари дам олади. Шу сабабдан, 20 март дам олиш куни бўлиб, қирғизистонликлар 29 апрель, шанба куни ишлайди.

Туркманистон

Туркманистонда Наврўз байрами икки кун — 21 ва 22 март кунлари нишонланади, шу кунлари ишланмайди. Байрам 1992 йилда давлат мақомини олган.

Тожикистон

Халқаро Наврўз байрамини нишонлаш вақтида тожикистонликлар 8 кун дам олади. Хусусан Тожикистонда аҳоли учун 19, 20, 21, 22, 23, 24, 25 ва 26 март кунлари дам олиш куни ҳисобланади.