АҚШ ҳарбий-ҳаво кучлари қўмондонлиги Россиянинг Су-27 самолёти Қора денгизда АҚШнинг МQ-9 дрони устидан ёнилғи тўккани акс этган видеони намойиш қилди.
Видео АҚШ Мудофаа вазирлиги визуал ахборот хизмати сайтига жойлаштирилган. Тасвирнинг давомийлиги таҳрирланган, бироқ воқеалар кетма-кет кўрсатилган.
“2023 йил 14 март куни Россиянинг иккита Су-27 самолёти Қора денгиз устидаги халқаро ҳаво ҳудудида АҚШ ҳарбий-ҳаво кучларининг МQ-9 разведка, кузатув дронини хавфли ва нопрофессионал тутиб олди. МQ-9 дронининг винти шикастланган, натижада АҚШ кучлари халқаро сувларда МQ-9 самолётини уриб туширишга мажбур бўлди”, — дейилади хабарда.
Кадрларда Россия самолёти МQ-9 дронига урилишидан олдин унга ёнилғи тўккани акс этганини кўриш мумкин. Ҳаводаги тўқнашув 30-40 дақиқа давом этган.
Аввалроқ АҚШ Ҳарбий-ҳаво кучларининг Европа қўмондонлиги 14 март куни Россиянинг Су-27 самолёти Қора денгиздаги халқаро ҳаво ҳудудида “эҳтиётсизлик ва нопрофессионаллик” туфайли АҚШ дронини уриб туширганини маълум қилганди. Оқ уй АҚШ президенти Жо Байден воқеа юзасидан хабардор қилинганини билдирган. Давлат департаменти бу борада Россия билан музокара олиб бормоқчи. Ўз навбатида, АҚШ Россиянинг Вашингтондаги элчисини Қора денгиздаги дрон билан боғлиқ ҳодиса туфайли Давлат департаментига чақирган. Россия Мудофаа вазирлиги Қора денгизда АҚШ дрони уриб туширилгани бўйича баёнот берган.
Изоҳ (0)