Аи-92 нархи деярли барча заправкаларда пасайди: Тошкентда кунлик бензин нархлари эълон қилинди

UNG Petro 14 март куни Тошкент шаҳрида бензин қуйиш шохобчаларидаги нархларни эълон қилди.

Унга кўра, Аи-80 Тошкентдаги деярли барча бензин қуйиш шохобчасида 6 000 сўмдан сотилмоқда. Фақат Poytaxt oil’да нарх 5 900 сўм бўлса, “Лукоил”да 6 200 сўм. 

Бугундан бошлаб UNG Petro’да Аи-92 бензини баҳорги чегирма туфайли 7 500 сўмдан сотилмоқда. 

Мазкур чегирма бошқа Аи-92 учун бошқа бензин қуйиш шохобчаларидаги нархларга ҳам таъсир қилган. Нархлар ўртача 100 сўмдан 900 сўмгача арзонлаган. 

Шунингдек, Тошкентдаги заправкаларда Аи-95 10 100 сўмдан 14 000 сўмгача сотилмоқда ва февраль ойи охириги нисбатан нархлар деярли ўзгармаган. 

Аввалроқ Ўзбекистонда Аи-80 бензини учун акциз солиғини “нол” ставкада қўллаш муддати узайтирилиб, ушбу бензин нархи оширилмайдиган бўлган эди.