Ўзбекистонда 2023 йилнинг февралида давлат бюджет даромадлари 16,1 трлн сўмни ташкил қилди (.pdf)
Бу кўрсаткич 2022 йилнинг мос даврига нисбатан 2,4 трлн сўмга ёки 17,7 фоизга ошди дегани.
Жорий йилнинг февралида давлат бюджети даромадларида солиқ органлари маъмурчилигидаги тушумлар 13,4 трлн сўмни ташкил қилди. Божхона органлари бўйича тушумлар 3,8 трлн сўм бўлди.
ҚҚС ставкасининг 15 дан 12 фоизга пасайтирилиши кутилганидек бюджет тушумлари билан биргаликда ҚҚС “манфий қолдиқ” суммасининг бюджетдан қоплаб бериладиган қисмига ҳам таъсир кўрсатди.
2023 йил февраль ойида ҚҚС жами тушумлари 5,8 трлн сўмни ташкил этиб, ўтган йилнинг мос даврига нисбатан 6,6 фоизга ошди.
Солиқ органлари томонидан жорий йилнинг февраль ойида 2,8 трлн сўм миқдордаги ҚҚС тушумлари тушиши таъминланди (2022 йил февраль ойига нисбатан 10 фоизга кўп).
Божхона органлари томонидан жорий йилнинг февраль ойида 3 трлн сўм ёки 2022 йилнинг мос даврига нисбатан 3,7 фоизга кўпроқ ҚҚС ундирилди.
Бевосита солиқлар бўйича жорий йил февраль ойи тушумлари 6,4 трлн сўмни ташкил этиб, олдинги ойга нисбатан 2 трлн сўмга (46,1 фоиз), 2022 йилнинг мос даврига нисбатан эса 1 трлн сўмга (19,2 фоиз) ошди.
Даромад солиғи бўйича жорий йил февраль ойи тушумлари 3,9 трлн сўмни ташкил этиб, январь ойига нисбатан 1,5 трлн сўмга (61,4 фоиз), 2022 йил февраль ойига нисбатан эса 0,5 трлн сўмга (14,8 фоиз) ошди.
Тушумларнинг асосий қисми Навоий ҳамда Олмалиқ КМКга тўғри келади (2023 йил февралда – 47,3 фоиз, 2022 йил февралда эса – 49,7 фоиз).
Таъкидланишича, йирик солиқ тўловчилар тоифасига кирмайдиган тадбиркорлик субъектлари иқтисодий фаоллигининг ошиши давом этмоқда.
Уларнинг тушумлари жорий йилнинг февраль ойида январь ойига нисбатан қарийб 2 баробарга, 2022 йил мос даврига нисбатан эса 1,4 баробарга ошди.
Жорий йил февраль ойи фойда солиғи тушумларининг январь ойига нисбатан ўсиши, йиллик солиқ ҳисобот тақдим қилиш муддатларидаги якуний фойда солиғи тўловлари ҳисобига таъминланди
Изоҳ (0)