Қирғизистон Миллий хавфсизлик давлат қўмитасига 28 февраль куни мамлакат фуқароси мурожаат қилиб, акаси Ўзбекистонда номаълум шахслар томонидан гаровга олинганини айтди. Бу ҳақда “24.кг” хабар берди.
Қирғизистон фуқароси 2022 йилнинг 23 октябрь куни Жалолобод вилоятининг Ала-Бука туманидаги “Баймак” назорат-ўтказиш пункти орқали алдаб, Ўзбекистонга олиб келиб, беш ой давомида ушлаб турилган. Уни озод этиш эвазига қариндошларидан 50 минг доллар талаб қилинган.
Тезкор-қидирув тадбирлари натижасида 2023 йил 7 март куни ўғирлаб кетилган шахс Қирғизистонга етказилиб, қариндошларига топширилган. Ўзбекистон Давлат хавфсизлик хизмати Қирғизистон фуқаросини ўғирлаганликда гумон қилиб, Наманган вилоятида туғилган икки фуқарони қўлга олган. Ҳозирда уларни жиноий жавобгарликка тортиш юзасидан тегишли чоралар кўрилмоқда.
Изоҳ (0)