Афғонистон Молия вазирлиги раҳбари вазифасини бажарувчи Ҳидоятуллоҳ Бадрий “Толибон” етакчиси билан мулла Хайбатуллоҳ Охундзода ўртасида зиддиятлар юзага келган. Бадрийнинг истеъфоси ҳақида расман эълон қилинмаган бўлса-да, “Толибон” тез орада янги тайинлов ҳақида эълон қилиши мумкин, деб хабар бермоқда Афғонистон ОАВлари.
Афғонистонлик журналист Сами Юсуфзайнинг айтишича, Ҳидоятуллоҳ Бадрий Ҳайбатуллоҳ Охундзоданинг ҳаракатларини очиқдан-очиқ танқид қилган биринчи “Толибон” амалдори бўлди ва ўз сўзларини истеъфога чиқишга тайёрлиги билан тасдиқлади. “Етар”, — дея амалдорнинг сўзларидан иқтибос келтирган журналист
Ҳидоятуллоҳ Бадрий асли Қандаҳорнинг Майванд туманидан. Афғонистон Миллий хавфсизлик бошқармасининг собиқ раҳбари Раҳматулла Набилнинг сўзларига кўра, у “Толибон” асосчиси Муҳаммад Умарга яқин бўлиб, унинг даврида ҳам молиявий масалалар билан шуғулланган.
2009 йилда Бадри АҚШ молия вазирлигининг санкциялар рўйхатига киритилган.
Аввалроқ мулла Ҳайбатулла Охундзоданинг Афғонистон муваққат ҳукуматини танқид қилиб, уларни “савдогарлар” деб атаганди.
Охундзоданинг ижтимоий тармоқларда тарқалган аудиоёзувида “Толибон” ҳукумати танқид остига олиниб, “бу ҳукумат эмас, транзакция” экани таъкидланган. “Толибон” раҳбари ҳукуматнинг бундай савдолашуви мусулмонлар учун эмас, балки одамлар манфаатини кўзлаб амалга оширилаётганини айтган. У “ҳукумат”да хавфсизлик бўлиши зарурлигини айтиб, “устунликка интилиш ишончсизликка олиб келишини” билдирган ва шариат қонунларини амалга оширишга чақирган.
Изоҳ (0)