Қозоғистоннинг Ақтўбе вилоятида давлатлараро қидирувда бўлган 28 ёшли Ўзбекистон фуқароси қўлга олинди. Бу ҳақда Kazinform хабар берди.
Маълум қилинишича, ўзбекистонлик эркак ҳужжатларни сохталаштиргани учун қидирувга берилган. Ақтўбеда у қўлга олиниб, вақтинчалик сақлаш изоляторига жойлаштирилган.
“‘Мигрант’ номли оператив ва профилактик тадбир давомида Ақтўбе вилояти ИИБ ходимлари томонидан Россияда қидирувда бўлган Ўзбекистон фуқароси қўлга олиниб, вақтинча сақлаш ҳибсхонасига жойлаштирилди. 28 ёшли йигит Санкт-Петербург Ички ишлар вазирлиги ҳужжатларини қалбакилаштириш билан шуғуллангани учун қидирилаётганди”, — деди Ақтўбе вилояти ИИБ матбуот котиби Ерболат Саркулов.
Қозоғистонда Мигрант оператив ва профилактика тадбир давомида миграция қонунчилигини бузганлик учун 80 дан ортиқ хорижлик ва Қозоғистон фуқаролари маъмурий жавобгарликка тортилган. Республикада “Мигрант” оператив ва профилактик тадбири 20-28 февраль кунлари бўлиб ўтади.
Изоҳ (0)