Қозоғистоннинг Чимкент шаҳрида 20 февраль куни ўзбекистонлик эркак қурол дўконига ҳужум қилди. Бу ҳақда Kazinform хабар берди.
Маълум қилинишича, маҳаллий вақт билан соат 14:40 да Ильяев ва Рисқулбеков кўчалари чорраҳасида жойлашган қурол-яроғ дўконида сигнал тугмаси ишга тушган. Воқеа жойига хавфсизлик ходимлари етиб келган. Улар ва қуролланган ўзбекистонлик эркак ўртасида дўконда отишма содир бўлган.
Ҳодиса оқибатида, қўриқчилардан бири яраланган. Қуролланган эркак ёрдамга келган патрул полицияси ходимлари ва Турон тумани ИИБ криминал полицияси терговчиси томонидан қўлга олинган.
Маълум бўлишича, эркак Ўзбекистон фуқароси бўлиб, шаҳарда ижарага олинган хонадонда яшаган. Ундан арраланган ов милтиғи ва зарбсиз “Сайғоқ” карабини олиб қўйилган. Воқеа жойида тергов гуруҳи ишламоқда. Ҳодисанинг барча ҳолатларига ойдинлик киритилмоқда.
Изоҳ (0)