Россиянинг Ленинград вилояти Ломоносовский туманида халқаро қидирувдаги ўзбекистонлик эркак қўлга олинди. Бу ҳақда 47news хабар берди.
Маълум қилинишича, 1 март куни маҳаллий вақт билан соат 15:00 ларда Владимировка қишлоғида ички ишлар ходимлари томонидан 41 ёшли Ўзбекистон фуқароси қўлга олинган. Эркак Ўзбекистонда ўғрилик қилгани учун қидирилмоқда, у халқаро қидирувга берилган.
Полиция маълумотига кўра, у 2022 йил февраль ойи ўрталарида шериклари билан Самарқанддаги Жумабозор қишлоғидаги уйлардан бирига кириб, 38 миллион сўм ўғирлаган. Эркак ҳибсга олингани ҳақидаги маълумот Ўзбекистонга юборилган.
Изоҳ (0)