АҚШ собиқ президенти Дональд Трампнинг айтишича, “урушнинг олдини олиш учун” у Россияга Украина ҳудудининг бир қисмини олишга рухсат берган бўларди. Бу ҳақда америкалик сиёсатчи Fox News бошловчиси Шон Хеннити билан суҳбатда маълум қилди.
Унинг юксак ишонч билан сўзлаган нутқида, амалдаги президент Жо Байдендан фарқли ўлароқ, унинг раҳбарлиги даврида Россия гўёки “ҳеч нарсани тортиб олмаган бўларди”.
Бироқ Трамп агар Россияга хорижий давлатнинг бир қисмини “беришга” тўғри келса, бунга рози бўлишини қўшимча қилди.
“Биласизми, Украинада русийзабон бўлган айрим ҳудудлар бор, очиғини айтганда, келишиш мумкин эди”, — деди Америка собиқ раҳбари.
Трамп, шунингдек, АҚШнинг аввалги президентлари даврида Россия Грузия ва Украинанинг бир қисмини босиб олганини, Байден даврида эса Москва бутунлай “шведча стол”га эга бўлганини таъкидлади.
Трамп агар ҳозир ўзи АҚШ етакчиси бўлганида, Россия уруш бошламаган бўларди, деган фикрни бир неча бор билдирган. Шунингдек, у агар келгуси президентлик сайловларида ғалаба қозонса, россиялик ва украиналик ҳамкасблари Владимир Путин ҳамда Владимир Зеленскийга ҳарбий можарони ҳал қилиш масаласида қўнғироқ қилишга ваъда берган.
АҚШда навбатдаги президентлик сайловлари 2024 йилга мўлжалланган бўлиб, анъанавий тарзда ноябрь ойида ўтказилади, инаугурация эса 2025 йилнинг январь ойида бўлиб ўтади. Трамп аллақачон президентликка номзодини эълон қилган.
Изоҳ (0)