Чегараларни куч билан ўзгартириш мумкин эмас ва ғарб давлатлари Украинани у ўз мудофаасини таъминлай олиши учун қўллаб-қувватламоқда, бироқ можаро узоқ вақтга чўзилиб кетиши мумкин. Бу ҳақда Германия канцлери Олаф Шольц Коцбус аҳолиси билан суҳбатида маълум қилди, деб ёзади Berliner Zeitунг.
“Бу яна узоқ вақт чўзилиши мумкинлигидан хавфсирашимиз керак, албатта, биз ҳар куни барчаси аксинча бўлишини хоҳлаяпмиз”, — дейди канцлер суҳбат давомида.
Сüддеуцче Zeitунг нашрининг ёзишича, учрашувга ташриф буюрган фуқаролардан бири Шолсга мурожаат қилиб, АҚШ борасида “Германия суверен эмас, балки вассал давлат” экани, чунки Берлин Вашингтоннинг Ироқ ва Афғонистондаги ҳарбий операцияларига қаршилик билдирмаганини айтган.
“Мен сизни ҳақ деб ўйламайман”, — дея жавоб қайтарган Шолс.
У Германия ҳукумати АҚШнинг 2003 йилда Ироққа ҳужумини кескин қоралаганини эслатиб ўтган. Шунингдек, Германия канцлери Россия ўз “империализмини” АҚШнинг олдинги хатолари орқали оқлаши керак эмаслигини таъкидлаган.
Аввалроқ Польша ва Германия сиёсатчилари ўртасида Украинага қурол етказиб бериш борасида келишмовчилик юзага келганди. Берлин расмийларига кўра, танклар ва қурол-яроғлар бўйича келишмовчиликдан ташқари, икки томонлама ҳамкорлик силлиқ кечмоқда. Польша раҳбарлари жанговар танкларни фронтга жўнатишни кечиктиришда айблаб, Берлинга “ҳужум қилиш” имкониятини қўлдан бой бермаётгани келтирилади. Хусусан, Польша раҳбари Анжей Дуда эски Леопард танклари учун эҳтиёт қисмлар етказиб беришдаги муаммолар сабабли Германияни танқид қилган.
Изоҳ (0)