Чехиянинг Литомерица шаҳридаги отхонадан Рамзан Қодировга тегишли от ўғирлаб кетилгани тўғрисида хабар берилганди. Чеченистон раҳбари мазкур ҳолатга муносабат билдириб, ўғирланган отнинг қийматини эълон қилди.
Маълум қилинишича, Рамзан Қодиров активларининг бир қисми сифатида санкция остида бўлган “Зазу” лақабли зотдор инглиз отининг қиймати камида 10 миллион долларни ташкил этади.
ОАВ, расмийларнинг айтганидан келиб чиқиб, унинг нархини 18 минг доллар деб баҳолади. Шубҳасиз, бу отни сақлаш ва парвариш қилиш учун масъул бўлганларнинг молиявий фирибгарлиги билан боғлиқ сунъий равишда паст баҳолашдир, зотдор ъЗазуъ камида 10 миллион доллар туради, — дейди Қодиров.
Чеченистон етакчиси отнинг бу даражада осон ўғирлаб кетилганидан ҳайрон қолганини айтган. У қўриқчилар ва “жасур полиция” қаерга қараганини сўраган. “Бизнинг республикамизда ҳатто машинанинг эшикларини тунда очиқ қолдириб кетиш мумкин, бу ерда эса санкцияга учраган отни кимдир отхонадан олиб кетяпти, ҳуқуқ-тартибот идоралари ходимлари эса бундан бир неча кун ўтиб хабар топмоқда”, — деб ёзади Қодиров. Шунингдек, у мазкур ҳолатда “тасодифга” ишонмаслигини қўшимча қилган.
Рамзан Қодировнинг айтишича, “Зазу” 2014 йилги санкцияларнинг “биринчи қурбонига” айланган. Ўшанда Европа Иттифоқи томонидан Қодировга қарши санкциялар жорий этилганди. 2017 йилда у отдан санкцияларни олиб ташлашга уринганини, бироқ буни уддалай олмаганини маълум қилган.
Отнинг лақаби “Зазу” бўлиб, 16 ёшда бўлган. Maxсус белгилар орасида полиция унинг пешонасида оқ қашқа борлигини ва орқа ўнг оёғининг бир қисми ҳам оқ бўлганини айтди. Ўғирланган от 2012 йилда Германиянинг WH Sport International отхонасидан сотиб олинган. Айғир 36 та пойгада қатнашиб, шулардан тўққизтасида ғалаба қозонган ва 1,2 миллион евродан ортиқ даромад келтирган.
Изоҳ (0)