Украина ҳукумати Бахмут мудофаасини давом эттиришга қарор қилди, чунки мамлакат Қуролли кучларининг чекиниши Россия ҳарбийларининг олдинга силжиб, Донбасснинг бошқа йирик шаҳарларини назоратга олишини таъминлайди. Бу ҳақда Владимир Зеленский CNN’га берган интервьюсида маълум қилди.
“Улар Бахмутдан кейин ҳаракатларни давом эттиришини тушунамиз. Улар Краматорскка, Слявянскка бориши мумкин. Бу россияликларга Донецк йўналишидаги бошқа шаҳарлар учун очиқ йўлга айланади. Мана, нима сабабдан бизнинг йигитларимиз у ерда турибди”, — дейди Зеленксий.
Телеканалнинг таъкидлашича, Бахмут “у қадар муҳим стратегик аҳамиятга” эга эмас, аммо ростдан ҳам йирик шаҳарларга йўлни очиб беради. Россия мудофаа вазири Сергей Шойгу аввалроқ ушбу шаҳарни Донбассдаги Украина қўшинлари мудофаасининг муҳим бўғини эканини айтганди. Унга кўра, Россия қўшинлари томонидан шаҳарнинг назоратга олиниши “Украина Қуролли кучлари мудофааси учун кейинги ҳужум операцияларини” ўтказиш имконини беради.
CNN’нинг маълум қилишича, айрим украин командирлари ва офицерлари йўқотишлар фонида шаҳарни сақлаб қолиш мақсадга мувофиқлигига шубҳа билдирмоқда, бу минглаб украин ҳарбий хизматчиларининг қуршовда қолиб кетишига олиб келиши мумкин. Зеленский бундай гап-сўзлар борлигини рад этиб, Қуролли кучлар қўмондонлиги вакилларидан “ҳеч қачон бунақа нарсани эшитмаганини” билдирган.
Зеленскийнинг сўзларига кўра, украиналик ҳарбийлар тинч аҳолининг кетишига ёрдам бериш учун шаҳарда қолишлари кераклигини ўзлари тушуниб турибди. Бош вазир ўринбосари Ирина Верешукка кўра, Бахмутда 4 мингга яқин тинч аҳоли қолган. Февраль ўрталарида у аҳолини зудлик билан шаҳарни тарк этишга чақирганди.
Аввалроқ Украина президенти Владимир Зеленский ва генерал Валерий Залужний ўртасида уруш кечаётган Донецк вилояти Бахмутда қандай ҳаракатланиш борасида келишмовчилик юзага келгани айтилганди.
Изоҳ (0)