“Бунақаси бўлмаган”: Россия биринчи марта Украинага бирданига олтита “Кинжал” ракетаси учирди

Россия кучлари биринчи марта Украина ҳудудини бир вақтнинг ўзида 6 та “Кинжал” гипертовушли ракеталар билан ўққа тутди. Бу ҳақда УНИАН хабар берди.

Россия турли турдаги ракеталар билан Украинага зарба берган. Украина қуролли кучлари ҳарбий-ҳаво кучлари спикери Юрий Игнат бу бўйича маълумот берган. 

“Аввал бунақаси бўлмаган. Душман томонидан жами олтита ъКинжалъ учирилган. Турли хил самолётлар, хусусан, стратегик узоқ масофага учувчи авиация ва ‘МиГ-31К’ ишлатилган”, — деди у.

Игнат мамлакат ҳудудига учирилган Россиянинг Х-22, ‘Кинжал’ ва C-300 ракеталарини Украина армияси уриб тушира олмаслигини қўшимча қилди. “Улар бизга хавф туғдирмоқда”, — деди у.

Таъкидланишича, Киев шаҳрига учирилган “Кинжал” типидаги аэробаллистик ракета инфратузилма объектига урилган. Пойтахтда ҳаво ҳужумидан огоҳлантириш тизими деярли 7 соат ишлаган. 

“Ракета ҳужуми пайтида Россия Shahed камикадзе дронларидан тортиб, деярли барча турдаги қанотли ракеталаргача қўллаган. Ҳаво ҳужумидан мудофаа тизимларимиз қанотли ракеталар ва дронлар билан зарба беришни олдини олди. Афсуски, ‘Кинжал’ типидаги аэробаллистик ракета инфратузилма объектини нишонга олди”, — дейди Киев шаҳар ҳарбий бошқармаси раҳбари Сергей Пoпко.