Андижон вилоятининг Жалақудуқ туманида яшовчи 23 ёшли келин адирлик ҳудудида ўзига бензин қуйиб, ёқиб юборди. Бу ҳақда “Дарё” мухбири хабар берди.
“Дарё” ҳолатга аниқлик киритиш мақсадида Бош прокуратура ахборот хизмати билан боғланди.
Маълум қилинишича, 6 март куни Жалақудуқ тумани, Жанубий Оламушук шаҳарчасида яшовчи, 23 ёшли Р.А. шаҳар ўрамида жойлашган адирлик ҳудудида ўзига бензин қуйиб, ёқиб юбориши орқали вафот этган.
Суиқасд сабабини аниқлаш юзасидан суд-тиббий экспертиза тайинланиб, қарор ижрога юборилган. Мазкур ҳолат юзасидан Жалақудуқ туман прокуратураси томонидан терговга қадар текширув ҳаракатлари олиб борилмоқда.
Қўшимча қилинишича, ҳолатга гувоҳ бўлганлар марҳумага ёрдам кўрсатиш мақсадида туман шошилинч тез тиббий ёрдам бўлимига олиб борган. Тиббий маълумотга кўра, Р.А.нинг бадани алангадан 100 фоиз куйган. Шифокорлар томонидан кўрсатилган тез-тиббий муолажаларга қарамасдан у 7 март куни шифохонанинг жонлантириш бўлимида вафот этган.
Ҳолат юзасидан Жиноят кодексининг 103-моддаси (ўзини ўзи ўлдириш даражасига етказиш) билан жиноят иши қўзғатилган.
Изоҳ (0)