Наманганда якунига етаётган жорий йилги Халқаро хотин-қизлар куни кутилмаган сюрпризларга бой бўлди. Бу ҳақда “Дарё” мухбири Азизбек Абдувалиев хабар бермоқда.
Наманган шаҳридаги тилла дўконларидан бирининг эгаси журналист Райҳона Эркиновага бир қанча тилла ва кумуш узуклар бериб, уларни эҳтиёжманд аёлларга совға қилишни сўраган. Журналист уларни байрам арафасида Мингбулоқ, Норин, Учқўрғон туманлари ва Наманган шаҳридаги ободонлаштириш бошқармаларининг кўча супурувчи аёлларига тақдим этди. Улар эса кутилмаган ҳадядан мамнун бўлиб, ўзини танитишни истамаган ҳомийни дуо қилади.
.jpg)
Райҳона Эркинованинг айтишича, тадбиркор ушбу акциядан сўнг дўконида тушум миқдори салкам икки баробар кўпайганини билдирган ва бундан кейин реклама учун сарфлайдиган маблағини хайрия тадбирларига ишлатишга қарор қилган.
.jpg)
Вилоят йўл ҳаракати хавфсизлиги ходимлари эса байрам арафасида анъанага мувофиқ аёл ҳайдовчиларни тўхтатиб, байрам билан билан табриклашди. Уларга гуллар ва ширинликлар ҳадя этилди.
Эркак ҳайдовчилар ҳам ЙҲХБ ходимларидан қолишмасликка ҳаракат қилишди. Байрам куни Намангандаги йўловчи ташиш билан шуғулланувчи аксарият машиналарда “Аёллар учун бепул” деган ёзувни кўриш мумкин эди.
Изоҳ (0)