Андижон, Наманган ва Қашқадарё вилоятларида тўқимачиликка ихтисослашган кичик саноат зоналари ташкил этилади. Бу ҳақда “Ўзтўқимачиликсаноати” уюшмаси ахборот хизмати хабар берди.
Қайд этилишича, 2023 йилда 10 та (Германия, Италия, Польша, Россия, Португалия, Франция, Туркия, Япония, Англия, Марокаш) давлатда Ўзбекистон тўқимачилик хабларини ташкил этиш орқали 200 миллион долларлик экспорт амалга оширилади.
Йил якунига қадар Андижон, Наманган ва Қашқадарё вилоятларида тўқимачиликка ихтисослашган кичик саноат зоналари, Тошкент вилоятида эса индустриал технопарк ташкил этиш ҳам устувор қилиб белгиланди. Ушбу кичик саноат зоналарида умумий қиймати 442,1 миллион долларлик 38 та лойиҳанинг амалга оширилиши ҳисобига 9 минг 100 янги иш ўрни яратилиб, йиллик 247,5 миллион долларлик сифатли текстиль маҳсулотларини экспортга йўналтириш кўзда тутилмоқда.
Изоҳ (0)