Andijon, Namangan va Qashqadaryo viloyatlarida to‘qimachilikka ixtisoslashgan kichik sanoat zonalari tashkil etiladi. Bu haqda “O‘zto‘qimachiliksanoati” uyushmasi axborot xizmati xabar berdi.
Qayd etilishicha, 2023-yilda 10 ta (Germaniya, Italiya, Polsha, Rossiya, Portugaliya, Fransiya, Turkiya, Yaponiya, Angliya, Marokash) davlatda O‘zbekiston to‘qimachilik xablarini tashkil etish orqali 200 million dollarlik eksport amalga oshiriladi.
Yil yakuniga qadar Andijon, Namangan va Qashqadaryo viloyatlarida to‘qimachilikka ixtisoslashgan kichik sanoat zonalari, Toshkent viloyatida esa industrial texnopark tashkil etish ham ustuvor qilib belgilandi. Ushbu kichik sanoat zonalarida umumiy qiymati 442,1 million dollarlik 38 ta loyihaning amalga oshirilishi hisobiga 9 ming 100 yangi ish o‘rni yaratilib, yillik 247,5 million dollarlik sifatli tekstil mahsulotlarini eksportga yo‘naltirish ko‘zda tutilmoqda.
Izoh (0)