Шавкат Мирзиёевнинг Россия президенти Владимир Путин билан телефон орқали мулоқоти бўлиб ўтди. Бу ҳақда президент матбуот хизмати хабар берди.
Хабарга кўра, икки томонлама муносабатлар кун тартибининг долзарб жиҳатлари юзасидан фикр алмашилди. Товар айирбошлашнинг ўсиш суръатларини қўллаб-қувватлаш, икки мамлакатнинг етакчи компания ва корхоналари иштирокида иқтисодиётнинг турли тармоқларида инвестисия лойиҳаларини илгари суриш ва саноат кооперасиясини кенгайтириш масалалари муҳокама қилинди.
Ҳудудлараро ҳамкорликни янада ривожлантириш, маданий-гуманитар алмашинувни фаоллаштиришга алоҳида эътибор қаратилди.
Давлат раҳбарлари минтақавий шериклик масалаларини ҳам кўриб чиқди.
Изоҳ (0)