“Иқтисодий шарҳ” журнали таҳририяти 2023 йилнинг март ойида Ўзбекистонда аҳолига тақдим этилаётган энг даромадли истеъмол кредитлари ҳақида умумий маълумот тайёрлади.
Истеъмол кредити — фақат Ўзбекистонда ишлаб чиқарилган товарлар (хизматлар)ни сотиб олишга бўлган эҳтиёжларини қондириш мақсадида ўз фаолияти натижаларидан даромад олган жисмоний шахсларга тақдим этиладиган кредит.
Ўзбекистон Марказий банкининг ҳисоботига кўра, 2022 йилда жисмоний шахсларга тижорат банклари томонидан ажратилган истеъмол кредитлари 21,6 трлн сўмни ташкил этган.
Истеъмол кредитлари сотиб олинган товар ёки хизматлар суммасининг 100 фоизигача берилади. Истеъмол кредитининг объекти аҳоли истеъмол эҳтиёжлари учун мўлжалланган Ўзбекистонда ишлаб чиқарилган товарлар (ишлар, хизматлар) бўлиши мумкин. Бугунги кунда Ўзбекистонда 30 та банк фаолият кўрсатмоқда.
Истеъмол кредитларини бериш ва уларни қайтариш миллий валюта — сўмда амалга оширилади. Тадқиқот шуни кўрсатдики, Ўзбекистондаги 30 та банкнинг истеъмол кредитлари фақат 18 та банк томонидан ажратилмоқда.
Қуйидаги банклар аҳолига истеъмол кредитлари бермайди:
- “Agrobank”;
- “Асакабанк”;
- “Равнақ банк”;
- “Халқ банки”;
- “Тенге банк”;
- “Давр банк”;
- “TBC банк”;
- “Kapitalbank”;
- “Ўзагроэкспортбанк”;
- “Anorbank”;
- “Зираат Банк”;
- “КДБ Банк Ўзбекистон”.
Ҳисоб-китобларга кўра, “Ипотека банк” истеъмол кредитлари бўйича рейтингнинг етакчисига айланди. Бу ерда қуйидаги шартлар асосида кредит олиш учун ариза бериш мумкин бўлади:
36 ойгача йиллик фоиз ставкаси 24 фоиз ва максимал миқдори 45 млн сўм.
Истеъмол кредитлари рейтингига кўра, Saderat Bank иккинчи ўринни эгаллади, бу ерда уч йил муддатга 25 фоиз йиллик ставкада ва энг катта миқдорда, яъни 540 млн сўмгача кредит расмийлаштириш мумкин бўлади.
“Ипак йўли банк” рейтингда учинчи ўринни эгаллади ва қуйидаги тартибда истеъмол кредитларини: йиллик фоиз ставкаси 26 фоиз, максимал миқдори 200 млн сўм ва 36 ойгача бўлган муддатга тақдим этмоқда.
Бундан ташқари, истеъмол кредитлари бўйича энг юқори фоиз ставкалари Invest Finans bank (37,99 фоиз) ва Madad Invest Bank (36 фоиз) каби банклар томонидан ажратилмоқда.
Ўтган йилнинг сентябрь ойидаги шарҳга нисбатан ўртача йиллик фоиз ставкаси жорий йилнинг март ойида 29 фоизда ўзгаришсиз қолди.
Кредитлар бўйича маълумотлар шарҳ эълон қилинган вақт учун мавжуд. Кредит шартлари ўзгариши мумкин.
Изоҳ (0)