“Дарё” нашри 6 мартда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Бахмутдаги вазият, давлат ичида зиддиятларни олиб келмоқдами?
Украина президенти ва бош қўмондони ўртасида уруш кечаётган Донецк вилояти Бахмутда қандай ҳаракатланиш борасида келишмовчилик юзага келди. Бу ҳақда Bild хабар берди.
"Россиянинг жанг майдонидаги йўқотишлари кўп бўлса-да, кўплаб украиналик аскарлар ҳам шаҳарни фидокорона ҳимоя қилиш ортидан ҳалок бўлди. Айтилишича, Залужний Бахмутдан эрта чиқиб кетишни талаб қилган”, — дея ёзади нашр.
Бу нуқтаи назарга қарши бўлганларнинг айтишича, Бахмутнинг кетиши билан бошқа жойларда ҳам шунга ўхшаш жанглар кечарди. Мақсад русларни олдинга силжитишдан сақлаб қолиш эди.
“Аввал Бахмут руслар учун тузоқ эди, энди у бизга тузоқ бўлди. Биз уларни 1:7 нисбатда йўқ қиламиз (ҳар бир ўлдирилган украиналик учун етти нафар руслар ўлади). Бахмутни ушлаб туришнинг ягона ҳарбий сабаби шу”, — деган украиналик ҳарбий таҳлилчи.
Россия мудофаасининг Мариупол атрофларини эгаллаб бориши
Айни вазиятдаа Россия мудофаа вазирлиги раҳбари Сергей Шойгу Мариуполга борди. Ва бу ташриф “махсус ҳарбий операция зонасига иш сафари” дея белгиланди.
Вазирлик маълумотларига кўра, Мариуполда Шойгу “Донбасс инфратузилмасини тиклаш” бўйича Россия Мудофаа вазирлигининг ҳарбий қурилиш комплекси ишини текширган.
Умуман олганда Шойгунинг махсус операция зонасига бу ташрифи биринчиси эмас, 4 март куни у Донецк йўналишидаги тузилмаларидан бирида, январь ойида эса уруш зонасида текширув ўтказган.
“Азовстал” заводида мудофаани ушлаб турган Мариуполнинг сўнгги украиналик ҳимоячилари таслим бўлгандан сўнг, май ойи ўрталарида россияликлар шаҳар назоратини олган. Сентябрь ойи охирида эса Россия шаҳарни ДХР таркибига қўшиб олди.
Март ойида 4 кун ерни кучли магнит бўронлари қоплайди, ҳимоя усуллари зарур
6 ва 7 март кунлари ерни кучли магнит бўронлари қоплайди. Бу ҳақда Meteoagent хабар бермоқда.
Эслатиб ўтамиз, магнит бўронлари ҳатто ўрта кучга эга бўлса ҳам инсон саломатлигига салбий таъсир кўрсатади
Маълум қилинишича, 7 март куни К-индексида 4 даражада магнит бўрони бўлиши кутилмоқда. 19 ва 26 март куни ҳам кучли геомагнит тўлқини кузатилади. Бу кунлар ҳатто соғлом одамлар ҳам саломатлигида ўзгаришлар кузатилади. Жумладан, бош оғриғи, ҳолсизлик, диққатнинг пасайиши, асабийлашиш кузатилиши мумкин. Сурункали касалликларга чалинган одамлар ва қариялар ўзини ёмон ҳис қилади.
Бундай кунларда организмга ёрдам бериш учун кунига камида 7-8 соат ухлаш маслаҳат берилган. Овқат рационидан ёғли ва аччиқ овқатларни олиб ташлаб, кунига 2 литр атрофида сув ичиш лозим. Қаҳва миқдорини камайтириб, ўсимликлардан тайёрланган чой истеъмол қилган маъқул.
Юқоридаги вазият кузатилганда ўзингиз ва оила аъзоларингизга эътиборли бўлинг ва кўрсатмалардан тўғри фойдаланишга ҳаракат қилинг.
Тошкентда элликка яқин ўсмир нима сабабдан қўлга олинди?
Хабарларга кўра, Тошкент шаҳрида бир гуруҳ ёшлар қўлга олиниб, идорага олиб кетилган. Ички ишлар вазирининг матбуот котиби Шоҳрух Ғиёсов вазиятга муносабат билдирди.
Telegramъдаги “Potrebitel.uz” каналининг ёзишича, 5 март куни пойтахтда бир гуруҳ вояга етмаган ёшлар ушланиб, иккита автобусда идорага олиб кетилган. “Ёшлар уришмаган, жанжаллашмаган, шунчаки сайр қилиб юрган”, — деб ёзади канал.
Ғиёсовнинг ёзишича, Халқаро форумлар саройи яқинида 5 март куни “Рёдан” халқаро ёшлар ҳаракатига ўхшаш субмаданиятга қўшилишни тарғиб қилувчи турли шиорларни айтган ҳолда 50 га яқин ёшлар тўпланган.
Натижада жамоат тартибининг бузилишига йўл қўймаслик мақсадида профилактика тадбирлари олиб борилиб, ота-оналар ва ҳодиса иштирокчилари билан суҳбатлар ўтказилган.
Япон комиксларидан бирининг қаҳрамонларидан илҳомланган “Рёдан” халқаро ёшлар ҳаракати мухлислари дастлаб интернетдаги бир нечта виртуал жамоалардан иборат бўлган. Бироқ вақт ўтиши билан ҳаракатдан янги йўналиш ажралиб чиқиб, улар ичида бир қатор тажовузкор шахслар пайдо бўлган ва ўсмирлардан фойдаланиб оммавий тартиббузарликларни уюштира бошлаган.
“Айни пайтда “Рёдан” ҳаракати томонидан уюштирилган бундай ҳолатлар Россия, Украина, Беларусь ва бир қатор бошқа давлатларда қайд этилган.
Изоҳ (0)