“Daryo” nashri 6-martda O‘zbekiston va jahonda sodir bo‘lgan eng muhim voqealarni e‘tiboringizga havola etadi.
Baxmutdagi vaziyat, davlat ichida ziddiyatlarni olib kelmoqdami?
Ukraina prezidenti va bosh qo'mondoni o‘rtasida urush kechayotgan Donetsk viloyati Baxmutda qanday harakatlanish borasida kelishmovchilik yuzaga keldi. Bu haqda Bild xabar berdi.
"Rossiyaning jang maydonidagi yo‘qotishlari ko‘p bo‘lsa-da, ko‘plab ukrainalik askarlar ham shaharni fidokorona himoya qilish ortidan halok bo‘ldi. Aytilishicha, Zalujniy Baxmutdan erta chiqib ketishni talab qilgan”, — deya yozadi nashr.
Bu nuqtai nazarga qarshi bo‘lganlarning aytishicha, Baxmutning ketishi bilan boshqa joylarda ham shunga o‘xshash janglar kechardi. Maqsad ruslarni oldinga siljitishdan saqlab qolish edi.
“Avval Baxmut ruslar uchun tuzoq edi, endi u bizga tuzoq bo‘ldi. Biz ularni 1:7 nisbatda yo‘q qilamiz (har bir o‘ldirilgan ukrainalik uchun yetti nafar ruslar o‘ladi). Baxmutni ushlab turishning yagona harbiy sababi shu”, — degan ukrainalik harbiy tahlilchi.
Rossiya mudofaasining Mariupol atroflarini egallab borishi
Ayni vaziyatdaa Rossiya mudofaa vazirligi rahbari Sergey Shoygu Mariupolga bordi. Va bu tashrif “maxsus harbiy operatsiya zonasiga ish safari” deya belgilandi.
Vazirlik maʼlumotlariga ko‘ra, Mariupolda Shoygu “Donbass infratuzilmasini tiklash” bo‘yicha Rossiya Mudofaa vazirligining harbiy qurilish kompleksi ishini tekshirgan.
Umuman olganda Shoyguning maxsus operatsiya zonasiga bu tashrifi birinchisi emas, 4-mart kuni u Donetsk yo‘nalishidagi tuzilmalaridan birida, yanvar oyida esa urush zonasida tekshiruv o‘tkazgan.
“Azovstal” zavodida mudofaani ushlab turgan Mariupolning so‘nggi ukrainalik himoyachilari taslim bo‘lgandan so‘ng, may oyi o‘rtalarida rossiyaliklar shahar nazoratini olgan. Sentabr oyi oxirida esa Rossiya shaharni DXR tarkibiga qo‘shib oldi.
Mart oyida 4 kun yerni kuchli magnit bo‘ronlari qoplaydi, himoya usullari zarur
6 va 7-mart kunlari yerni kuchli magnit bo‘ronlari qoplaydi. Bu haqda Meteoagent xabar bermoqda.
Eslatib o‘tamiz, magnit bo‘ronlari hatto o‘rta kuchga ega bo‘lsa ham inson salomatligiga salbiy ta’sir ko‘rsatadi
Ma’lum qilinishicha, 7-mart kuni K-indeksida 4 darajada magnit bo‘roni bo‘lishi kutilmoqda. 19 va 26-mart kuni ham kuchli geomagnit to‘lqini kuzatiladi. Bu kunlar hatto sog‘lom odamlar ham salomatligida o‘zgarishlar kuzatiladi. Jumladan, bosh og‘rig‘i, holsizlik, diqqatning pasayishi, asabiylashish kuzatilishi mumkin. Surunkali kasalliklarga chalingan odamlar va qariyalar o‘zini yomon his qiladi.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ovqat ratsionidan yog‘li va achchiq ovqatlarni olib tashlab, kuniga 2 litr atrofida suv ichish lozim. Qahva miqdorini kamaytirib, o‘simliklardan tayyorlangan choy iste’mol qilgan ma’qul.
Yuqoridagi vaziyat kuzatilganda o‘zingiz va oila a’zolaringizga e‘tiborli bo‘ling va ko‘rsatmalardan to‘g‘ri foydalanishga harakat qiling.
Toshkentda ellikka yaqin o‘smir nima sababdan qo‘lga olindi?
Xabarlarga ko‘ra, Toshkent shahrida bir guruh yoshlar qo‘lga olinib, idoraga olib ketilgan. Ichki ishlar vazirining matbuot kotibi Shohrux G‘iyosov vaziyatga munosabat bildirdi.
Telegram’dagi “Potrebitel.uz” kanalining yozishicha, 5-mart kuni poytaxtda bir guruh voyaga yetmagan yoshlar ushlanib, ikkita avtobusda idoraga olib ketilgan. “Yoshlar urishmagan, janjallashmagan, shunchaki sayr qilib yurgan”, — deb yozadi kanal.
G‘iyosovning yozishicha, Xalqaro forumlar saroyi yaqinida 5-mart kuni “Ryodan” xalqaro yoshlar harakatiga o‘xshash submadaniyatga qo‘shilishni targ‘ib qiluvchi turli shiorlarni aytgan holda 50 ga yaqin yoshlar to‘plangan.
Natijada jamoat tartibining buzilishiga yo‘l qo‘ymaslik maqsadida profilaktika tadbirlari olib borilib, ota-onalar va hodisa ishtirokchilari bilan suhbatlar o‘tkazilgan.
Yapon komikslaridan birining qahramonlaridan ilhomlangan “Ryodan” xalqaro yoshlar harakati muxlislari dastlab internetdagi bir nechta virtual jamoalardan iborat bo‘lgan.
Biroq vaqt o‘tishi bilan harakatdan yangi yo‘nalish ajralib chiqib, ular ichida bir qator tajovuzkor shaxslar paydo bo‘lgan va o‘smirlardan foydalanib ommaviy tartibbuzarliklarni uyushtira boshlagan.
“Ayni paytda “Ryodan” harakati tomonidan uyushtirilgan bunday holatlar Rossiya, Ukraina, Belarus va bir qator boshqa davlatlarda qayd etilgan.
Izoh (0)