Тарих ва география фанларидан миллий сертификат учун тест топшириқлари эълон қилинди 

Тарих ва география фанларидан намунавий тест топшириқлари ва тест спецификацияси эълон қилинди. Бу ҳақда Билимни баҳолаш агентлиги ахборот хизмати хабар берди. 

Хабарга кўра, тарих ва география фанларидан миллий сертификат учун тест синовлари илк бор 2023 йил 21 май куни ўтказилади. Мазкур фанлардан миллий тест тизими учун тест спецификацияси ва намунавий тест топшириқлари эълон қилинди. 

Шунингдек, тест синовлари учун талабгорларни рўйхатга олиш 24 апрелдан 7 майга қадар my.dtm.uz сайтининг “Миллий сертификат” бўлими орқали амалга оширилади.

География фанидан:

• тест спецификацияси;
• намунавий тест топшириқлари;

Тарих фанидан:

• тест спецификацияси;
• намунавий тест топшириқлари.

Аввалроқ Давлат тест маркази она тили ва адабиёт фанидан миллий сертификат имтиҳонлари қачон ўтказилиши ҳақида маълумот берганди.