Chet tilida ishlash juda qiyin va noodatiy. Uni yaxshi ishlashi va zavq keltirishi uchun ko‘p harakat qilish kerak. Ammo ingliz tili o‘z ona tili bo‘lmagan ba’zi aktyor va aktrisalar bu muammoni shu qadar ajoyib tarzda yengishga muvaffaq bo’lishganki, ularning aslida ona tilisi haqida ko‘pchilik bilmaydi.
Jan Reno
Jan Reno asosan fransuz tilida rol o‘ynaydi, lekin u Gollivud filmlarida ham o‘z rollariga ega. Uning ona tili ispan, lekin u karyerasining ilk yillarida arab va fransuz tillarini o‘rgangan. Aktyor ingliz va italyan tillarini ham biladi.
Marion Kotilyar
Marion Kotilyar Parijda tug‘ilgan va uning ona tili fransuz tilidir. Biroq 17 yoshida u o‘zining ilk ingliz tilidagi rolini o‘ynaydi. Aktrisa Gollivudda mashhur bo‘lishiga qaramay, u o‘z vatanida ham filmlarda suratga tushadi.
Kristof Vals
Aktyorning eng mashhur rollari “Ozod Jango” va “Katta ko‘zlar” filmlarida. U Avstriyada tug‘ilgan bo‘lsa-da, hozirda asosan Gollivud filmlarida o‘ynaydi. Uning ona tili nemis tili, lekin u fransuz va ingliz tillarini ham yaxshi gaplashadi, italyan tilini bir oz biladi.
Yeva Grin
Maftunkor Yeva Grin — fransuz. Rejissor Bernardo Bertoluchchi uni payqamaguncha, u vatanidagi teatr spektakllarida o‘ynagan. Aynan u unga ingliz tilini yaxshilashni maslahat bergan. Qiz 2 oy davomida tilni qunt bilan o‘rganadi, bu unga Gollivudga kirishiga yordam beradi.
Endi Garsiya
Endi Garsiya “Tegib bo‘lmaydiganlar” va “Cho‘qintirgan ota-3” filmidagi rollari bilan tanilgan. Aktyor Kubada tug‘ilgan, ona tili ispan tilidir. Ammo Endining onasi ingliz tili o‘qituvchisi bo‘lgan, shuning uchun u tilni o‘rganishda muammo bo‘lmagan.
Sofiya Vergara
Aktrisa Kolumbiyada tug‘ilgan. Uning ona tili ispan tili, lekin u ingliz tilini ham yaxshi biladi. Aytgancha, qiziqarli fakt: Sofiya tish shifokori bo‘lish uchun o‘qigan, ammo shou-biznesda ishlash uchun universitetni tashlagan.
Frida Pinto
“Xarobadan chiqqan millioner” va “Maymunlar sayyorasi” filmlaridagi rollari bilan tanilgan Frida Pinto asli hind aktrisasi. U hind tilida gapiradi. Bolaligidanoq rassom bo‘lishni orzu qilgan, ammo 23 yoshida kastinglarga faol qatnasha boshlagan. Bir muncha vaqt Frida teleboshlovchi bo‘lib ishlaydi va turli mamlakatlardan reportajlar qiladi.
Pedro Paskal
Aktyor “Taxtlar o‘yini” va “Mandaloriyalik” seriallaridagi rollari bilan tanilgan. U Chilida tug‘ilgan, ona tili ispan tili. Biroq u Chilida uzoq vaqt yashamaydi: ota-onasi avval Venesuelaga, keyin Daniyaga ko‘chib o‘tadi, keyin esa Kaliforniyaga kelishadi.
Viggo Mortensen haqiqiy poliglot
Viggoning eng mashhur roli — “Uzuklar hukmdori” trilogiyasidagi Aragorn roli, lekin uning boshqa ko‘plab ajoyib rollari ham bor. Ingliz tili uning ona tili, lekin u shu bilan to‘xtab qolmaydi. Aktyor ispan, fransuz, daniya tillarida erkin so‘zlasha oladi, shved, norveg va italyan tillarini ham yaxshi biladi.
Ana de Armas
Ana de Armas Kubada tug‘ilgan va shu yerda aktrisalik faoliyatini boshlagan. Keyinchalik u ispan teleserialida suratga tushadi. Aktrisaning ona tili ispan tili bo‘lib, u Gollivudni o‘zi unchalik yaxshi bilmaydigan ingliz tili bilan zabt etadi. Qiz filmdagi istalgan qahramonni o‘ynash uchun juda ko‘p o‘qigan.
Izoh (0)