Австралия кино академияси (ААCТА) 12-халқаро мукофотлари рўйхатини эълон қилди. Ташкилотда овоз берувчи аъзоларнинг хулосаларига кўра, Жеймс Кемероннинг “Аватар: Сув йўли” фильми 2022 йилнинг энг яхши фильми деб топилди.
.jpg)
Мартин МакДонанинг “Инишериналик Банши” трагикомедияси учта йўналиш бўйича: “Йилнинг энг яхши сценарийси”, “Йилнинг энг яхши иккинчи даражали актёри” (бу номинацияда Брендан Глисон ғолиб бўлди) ва “Йилнинг энг яхши иккинчи дарали актрисаси” (бу йўналишда Керри Кондон ғолиб деб топилди) мукофотни қўлга киритди.
“Йилнинг энг яхши актрисаси” номинациясида “Тар” фильмида бош ролни ижро этган Кейт Бланшетт ва “Энг яхши актёр” йўналишида “Элвис” кинокартинасида бош қаҳрамонни гавдалантирган Остин Батлер ғолиб деб топилди. Мусиқачининг ҳаёти ҳақида ҳикоя қилинадиган биографик фильмни суратга олган режиссёр Баз Лурман ҳам мукофотга лойиқ кўрилди.
“Аватар: Сув йўли” “Йилнинг энг яхши фильми” сифатида тўртта “Оскар” мукофотига номзод бўлган.
Яқинда “Аватар 2” кинокартинаси жаҳон прокатида 2,248 миллиард доллар тўплаб, “Титаник”ни ортда қолдирди ва барча даврларнинг энг кўп даромад келтирган учинчи фильмга айланди.
Изоҳ (0)