2023 йил култ фильмлар мухлислари учун ҳақиқий хазинадир. Kiaну Ривз ниҳоят Жон Уик ролига қайтади, Харрисон Форд 15 йилдан кейин Indiaна Жонс франшизасида рол ўйнайди.
Тимоти Шаламе — Пол Атрейдес
“Дюна: Иккинчи қисм” илмий-фантастик фильми 2023 йилнинг ноябрь ойида чиқиши режалаштирилган ва бош ролларда Ребекка Фергюсон, Зендая ва, албатта, Тимоти Шаламе иштирок этади. Қолаверса, Остин Батлер, Флоренс Пю ва Кристофер Уолкен ҳам бу сафар юлдузлар таркибига қўшилади.
Расмий конспектга кўра, 2-қисмда Пол Атрейдес ўз саёҳатини давом эттиради, Чани ва Фремен қабиласи билан ҳамкорлик қилади ва унинг оиласига жуда кўп азоб-уқубат келтирган қасоскор фитначилардан ўч олишга киришади. Бундан ташқари, у севгилиси ва бутун коинотнинг нажоти ўртасида қийин танловга дуч келади.
Даян Китон – Диана
Фильм сужети 40 йил давомида “Китоб клуби”га ташриф буюрадиган ва ўта мўтадил турмуш тарзини олиб борадиган, аммо кейин ҳамма нарсани тубдан ўзгартиришга қарор қилган тўрт дугона атрофига қурилган.
Фильмнинг давоми 2023 йилнинг май ойида чиқиши режалаштирилган. Бу сафар қаҳрамонлар дам олиш учун Италияга борадилар. Лекин ишлар режадагидек кетмайди, керакциз сирлар юзага чиқади ва уларнинг дам олишлари ҳаяжонли саргузаштга айланади.
Жейсон Момоа – Аквамен
“Аквамен ва йўқотилган қироллик” фильмининг давоми айнан нима ҳақида бўлиши ҳозирча маълум эмас, аммо Жейсон Момоа бош ролни ўйнаши аниқ.
Умуман олганда, журналистларнинг фикрига кўра, сужет Акваменнинг қароқчи Қора Манта тимсолида умумий душманни мағлуб этиш учун бирлашишга мажбур бўлган акаси қирол Орм билан муносабатлари атрофида бўлади. Фильм 2023 йил декабрь ойида чиқиши режалаштирилган.
Kiaну Ривз — Жон Уик
“Жон Уик” блокбастерининг 4-қисми премераси 2023 йилнинг март ойида бўлиб ўтиши керак. Маълумотларга қараганда, фильм сужети 3-қисм воқеаларининг мантиқий давоми бўлади, унда Kiaну Ривз қаҳрамони персона нон грата деб эълон қилинган ва дунёнинг энг хавфли рақиблари билан тўқнаш келади.
Айтганча, фильм режиссёри Чад Стахелски франшизанинг бу қисми охирги бўлиши мумкинлигига ишора қилди. Ва бу ҳақда ҳукм чиқариш ҳали қийин бўлса-да, доимий равишда юқори касса тушумларини ҳисобга олсак, фильмни ўтказиб юбормаслик керак.
Жейсон Стейтем — Жонас Тейлор
2018 йилнинг ёзида “Мег: Чуқурлик махлуқи” ҳақиқий хитга айланди ва муносиб прокатни тақдим этди. 5 йилдан сўнг — ниҳоят 2023 йил август ойида бош ролда Жейсон Стейтем билан “Мег-2: Чуқур”нинг давомини кўрамиз.
Сценарий “Мег” романининг давоми бўлган Стивен Алтеннинг “Бўшлиқ” китоби асосида яратилган. Гарчи лентанинг сужети ҳали аниқ бўлмаса-да, бу сафар палеобиолог Жонас Тейлор мегалодондан ташқари бошқа, эҳтимол, ундан ҳам хавфли қадимий йиртқич ҳайвонга дуч келади деб тахмин қилиш мумкин.
Харрисон Форд — Indiaна Жонс
15 йилдан сўнг, 2023 йил июнь ойида Харрисон Форд ўйнаган археолог Indiaна Жонс ҳақидаги машҳур франшизанинг узоқ кутилган 5-қисми чиқади.
“Indiaна Жонс ва тақдир ғилдираги” деб номланган якуний қисм сужети тафсилотлари ҳозирча маълум эмас. Бироқ бу Стивен Спилберг иштирокисиз яратилган биринчи фильм бўлиши қизиқ. Бу сафар режиссёр эстафетани “Logan”ни суратга олган Жеймс Манgoldга топширди.
Крис Претт — Юлдузли Лорд
Узоқ кутилган “Галактика қўриқчилари”нинг 3-қисми май ойида чиқиши режалаштирилган. Ушбу лентада Қўриқчилар Забвениядаги ҳаётга мослашади, аммо тез орада енот Ракетага таҳдид пайдо бўлади. Питер Квилл дўстини қутқариш учун жамоани йиғишга мажбур бўлади.
Қизиғи шундаки, 2017 йил апрель ойида режиссёр Жеймс Ганн мавжуд Қўриқчилар ҳикоясини 3-қисм билан якунламоқчи эканини ва 4-қисмда янги қаҳрамонларга эътибор қаратмоқчи эканини айтганди.
Изоҳ (0)