Болливуд юлдузи Сунил Шеттининг ўғли Ахан ҳинд киносида янги марраларни забт этмоқда

Сунил Шетти Болливудда 1990 йилнинг бошларида, 30 ёшлигида дебют қилган. У фильмларда жанговар қаҳрамон сифатида машҳур бўлган, кейинроқ характерли ролларини ўйнай бошлаган ва ҳатто Жанубий Ҳиндистон фильмларида ҳам суратга тушган. Сунил Шетти кикбокс бўйича қора камар соҳиби, шу билан бирга, унинг ресторани ва кийим-кечак дўконлари ҳам бор.

У ҳеч қачон актёрликка эътибор қаратмади, ёши ўтиши билан мухлисларни қувонтирадиган қизиқарли ролларни танлай бошлади. Ҳозирги кунда Сунилнинг мухлислари қувонишига катта сабаб бор, чунки унинг ўғли Ахан Шетти ҳам актёр бўлди.

Ахан кинодаги карерасини 2021 йилда “Тоска” (Тадап) романтик фильми билан бошлаган, бу эса унга Халқаро Ҳиндистон Кино Академиясининг “Йил юлдузи дебюти” мукофотига сазовор бўлишига ёрдам берди.

“Тоска” — машҳур телуга жангари фильми “Р Х 100”нинг ремейки ҳисобланади. Ахан ролга тайёргарлик кўриш учун 11 кг вазн тўплаган, у кунига 12 марта овқатланган. Суратга олиш ишлари икки ярим йил давом этди. Шеттининг партнёри ёш актриса Тара Сутария эди, у аввалроқ иккита: “Йил талабаси 2” ва “Мен ўламан” кинокартиналарда суратга тушган.

Танқид қилинган сюжетга қарамай, Ахан Шетти таҳлилчиларда яхши таассурот қолдирди ва ўз ижроси учун кўплаб мақтовларга сазовор бўлди. Баъзи мухлислар унинг дебютини таъсирли деб атади. Аханннинг камера қаршисида ўзини эркин тутиши ва ишончи бу фильмни муваффақиятсизликдан асраб қолди.

Ахан Шетти 1995 йилнинг 28 декабрида Мумбайда актёр Сунил Шетти ва унинг рафиқаси дизайнер Мониша Кадри оиласида туғилган. Актёрнинг онаси мусулмон, унинг ўзи ҳам ярим мусулмондир.

Аханнинг Атя исмли опаси бор, у ҳам актриса. Актёрнинг опаси яқинда турмушга чиқди ва актрисаликни тарк этиши мумкин. Аханда эса янада машҳур бўлиш имкони бор. Унинг биринчи фильми жанговар фильм эди, лекин у отасининг изидан бориб, карерасини фақат жанговар қаҳрамон сифатида қуришни истамайди.

“6-синфлигимда актёр бўлишга қарор қилдим. Мактаб пайтида қўшимча тўгарак сифатида драматик санъатни танладим ва санъатнинг шу турини ёқтириб қолдим. Жуда уятчан ва эҳтиёткор инсонман, шунинг учун саҳнага чиққанимда,  ўзимда яширган ҳамма нарсани ўз қаҳрамонларим орқали саҳнага чиқаришимни англадим. Кўп спектаклларда рол  ўйнаб, актёрлик касбини чин юракдан ёқтириб қолдим”, — дейди актёр.

Аханда бу учқунни продюсер Сажид Надиадвала пайқади ва унга катта экранда дебют қилишни таклиф қилди. Премьерадан сўнг Сажид Оҳан билан яна тўртта фильмни биргаликда суратга олиш учун шартнома имзолади. Сунил Шетти тез орада яна экранларда кўриниш беради. 

Ахан Шетти ҳақида ҳеч қандай шов-шувли гап-сўзлар тарқалмаган, актёр ўн йилдан бери модел Таня Шрофф билан муносабатда.

Жуфтлик бир мактабда таҳсил олган ва шундан кейин ажралмасликка қарор қилган. Ахан ва Таня биринчи марта уч йил олдин, Арманд Жейннинг тўйида биргаликда омма олдида кўриниш берган.

Яқинда опасининг тўйида иштирок этган Аханнинг суратлари ижтимоий тармоқларда тарқалди. У опасига таъсирли тарзда бахт тилаган, уни кўрган ҳинд киносининг кўплаб мухлислари кўз ёш тўккан. Сунил Шетти ўз фарзандларини яхши кўради ва улар билан фахрланади.