Қушлардан қўрқадиган Скарлетт Йоханссон ва чангга тоқат қила олмайдиган Кайли Женнер: Голливуд юлдузларининг энг ғалати фобиялари

Ҳар бир инсон ҳаётида нимадандир қўрқиб яшайди, бу эса нормал ҳолат саналади. Кимдир қушлар ёки капалакдан чўчиса, яна кимлардир умуман ғалати фобияларга эга. Қуйида Голливуд юлдузларининг антиқа фобиялари ҳақида сўз юритилади.

Кайли Женнер — стаканлардаги чангдан қўрқади

Дунёга машҳур модел интервьюларнинг бирида ўзининг ғалати фобияси ҳақида гапириб берган. Унинг нима сабабдан чангдан қўрқиши сир бўлиб қолмоқда, чунки модел эски Виктория саройида эмас, ҳашаматли уйда яшайди.

Кристен Белл — сувда буришган бармоқлардан қўрқади

Актрисанинг ғалати одати бор, у бассейнга қўлқоп олиб боради. Бунинг сабаби, Кристен бармоқлари сувдан буришишини ҳис қилишни ёмон кўради.

Мартин Фриман – авакадо

Мартин Фриман авакадога қараса ҳам, ўзини ноқулай ҳис қилади. Катта мева уни қўрқитади. “Ҳар сафар авакадони кесиб, данагини кўрганимда, унинг трахеяларимга тиқилиб қолганини тасаввур қиламан. Бунга чидай олмайман”, — дейди Фриман.

Тайра Бенкс — делфинлар

Модель делфинлар ёқимтой деган фикрга умуман қўшилмайди. “Delfiнни кўрганимда, у ҳақда ўйлаганимда ёки гапирганимда, ўзимни ташвишли ва ваҳимали ҳис қиламан. Ҳозир ҳам бу содир бўлмоқда”, — деб айтган Тайра Бенкс ўзининг шоусида.

Хлоэ Кардашян — киндигидан қўрқади

“Киндигимни кўришни истамайман. Ҳеч ким меникига тегмайди, мен ҳам ҳеч кимга тегишни хоҳламайман. Душда бўлганимда қўлқоп кияман ва ҳар гал киндигимни ювганимда бақираман”, — дейди Кардашян.

Скарлетт Йоханссон – қушлар

Скатлетт Йоханссон қушлардан жуда қўрқади, ҳатто уларнинг қанот қоқиши ҳам актрисанинг қўрқишига сабаб бўлади. “Мен қушларни кўрганимда даҳшатга тушаман. Бу қўрқув йўқолмайди. Суратга олиш майдончасида товуслар мени қанақадир қўрқитди, улар ёвуз кўринарди”, — дейди Скарлетт.

Кристина Риччи — хонаки гуллар

Актриса хонаки гуллардан жуда қўрқади, агар Кристина уларга тегса, даҳшатдан бутунлай ақлдан озади.

Никол Кидман – капалаклар

Актриса болалигидан бу фобиядан азият чекади ва бунга унинг ватани бўлган Австралиянинг фаунаси айбдор. “Баъзида мактабдан уйга келганимда, энг катта капалак ёки куя бизнинг дарвозамизда турганини кўрардим. Мен олд дарвозадан ўтмаслик учун ҳар нарса қилардим — панжара устига чиқиб, уйнинг деворидан ошиб тушардим”, — дейди Кидман.