Qushlardan qo‘rqadigan Skarlett Yoxansson va changga toqat qila olmaydigan Kayli Jenner: Gollivud yulduzlarining eng g‘alati fobiyalari

Har bir inson hayotida nimadandir qo‘rqib yashaydi, bu esa normal holat sanaladi. Kimdir qushlar yoki kapalakdan cho‘chisa, yana kimlardir umuman g‘alati fobiyalarga ega. Quyida Gollivud yulduzlarining antiqa fobiyalari haqida so‘z yuritiladi.

Kayli Jenner — stakanlardagi changdan qo‘rqadi

Dunyoga mashhur model intervyularning birida o‘zining g‘alati fobiyasi haqida gapirib bergan. Uning nima sababdan changdan qo‘rqishi sir bo‘lib qolmoqda, chunki model eski Viktoriya saroyida emas, hashamatli uyda yashaydi.

Kristen Bell — suvda burishgan barmoqlardan qo‘rqadi

Aktrisaning g‘alati odati bor, u basseynga qo‘lqop olib boradi. Buning sababi, Kristen barmoqlari suvdan burishishini his qilishni yomon ko‘radi.

Martin Friman – avakado

Martin Friman avakadoga qarasa ham, o‘zini noqulay his qiladi. Katta meva uni qo‘rqitadi. “Har safar avakadoni kesib, danagini ko‘rganimda, uning traxeyalarimga tiqilib qolganini tasavvur qilaman. Bunga chiday olmayman”, — deydi Friman.

Tayra Benks — delfinlar

Model delfinlar yoqimtoy degan fikrga umuman qo‘shilmaydi. “Delfinni ko‘rganimda, u haqda o‘ylaganimda yoki gapirganimda, o‘zimni tashvishli va vahimali his qilaman. Hozir ham bu sodir bo‘lmoqda”, — deb aytgan Tayra Benks o‘zining shousida.

Xloe Kardashyan — kindigidan qo‘rqadi

“Kindigimni ko‘rishni istamayman. Hech kim menikiga tegmaydi, men ham hech kimga tegishni xohlamayman. Dushda bo‘lganimda qo‘lqop kiyaman va har gal kindigimni yuvganimda baqiraman”, — deydi Kardashyan.

Skarlett Yoxansson – qushlar

Skatlett Yoxansson qushlardan juda qo‘rqadi, hatto ularning qanot qoqishi ham aktrisaning qo‘rqishiga sabab bo‘ladi. “Men qushlarni ko‘rganimda dahshatga tushaman. Bu qo‘rquv yo'qolmaydi. Suratga olish maydonchasida tovuslar meni qanaqadir qo‘rqitdi, ular yovuz ko‘rinardi”, — deydi Skarlett.

Kristina Richchi — xonaki gullar

Aktrisa xonaki gullardan juda qo‘rqadi, agar Kristina ularga tegsa, dahshatdan butunlay aqldan ozadi.

Nikol Kidman – kapalaklar

Aktrisa bolaligidan bu fobiyadan aziyat chekadi va bunga uning vatani bo‘lgan Avstraliyaning faunasi aybdor. “Ba’zida maktabdan uyga kelganimda, eng katta kapalak yoki kuya bizning darvozamizda turganini ko‘rardim. Men old darvozadan o‘tmaslik uchun har narsa qilardim — panjara ustiga chiqib, uyning devoridan oshib tushardim”, — deydi Kidman.