Илон Маск Флоки исмли шиба-ину зотига мансуб бўлган итини Twitter‘нинг янги бош директори этиб тайинлаганини айтиб, ҳазил қилди. Ижтимоий тармоқ эгаси уй ҳайвонининг офис декорациясида тушган бир нечта суратларини саҳифасига жойлаштирди.
“Twitter’нинг янги бош директори жуда ажойиб. У бу иш учун жуда мос келади. Олдинги йигитга қараганда анча яхши. У (ит) рақамларни зўр тушунади”, — деб изоҳ қолдирган Маск.
Суратда Флокининг олдида унинг исми ва янги лавозими ёзилган қоғоз варағи, шунингдек, панжа изи кўринишидаги муҳр кўрсатилган.
Маск 2022 йилнинг декабрь ойида Twitter фойдаланувчилари ўртасида бош директор лавозимини тарк этиш ҳақида сўровнома ўтказган эди. Кўпчилик бизнесменнинг бу лавозимдан кетишини ёқлаб овоз берган ва у “бу ишга киришадиган етарлича калтафаҳм инсонни” топиши биланоқ бош директорликдан кетишини айтган.
Изоҳ (0)