Қийма ва қўзиқорин қўшиб тайёрланадиган мазали қуймоқ рецепти

Начинкасига қийма ва қўзиқорин солиб тайёрланадиган қуймоқ мазали таъмга эга. Унга картошка ёки бошқа сабзавот қўшиб тайёрласангиз ҳам бўлади. 

Хамири учун керакли масаллиқлар:

• тухум — 4 дона
• туз — бир чимдим
• сут — 250 мл
• сув — 120 мл
• ун — 120 гр
• ўсимлик ёғи — 3-4 ош қошиқ ва мойлаш учун

Начинкасига солинадиган маҳсулотлар:

• тухум — 3-4 дона
• қўзиқорин — 400-450 г
• пиёз — 1 дона
• ўсимлик ёғи — 2-3 ош қошиқ
• қийма — 450-500 г
• туз — таъбга кўра
• мурч — таъбга кўра
• майонез — 1-2 ош қошиқ

Тайёрланиши:

1. Тухумни туз, илиқ сут ва илиқ сув билан вилка ёки кўпиртиргич ёрдамида енгил аралаштириб олинг.
2. Маҳсулотларга элакдан ўтказилган унни қўшинг ва бўлаклар қолмагунча аралаштиринг. Ўсимлик ёғини солиб, яна аралаштириб олинг.
3. Қуймоқ хамирини хона ҳароратида 15-20 дақиқага қолдиринг.
4. Идишга озгина ўсимлик ёғини солинг. Қуймоқларни пишириб олинг ва салқин жойга қўйинг.
5. Тухумни 10 дақиқа давомида қайнатинг ва совутиб олинг.
6. Қўзиқорин ва пиёзни майда қилиб тўғраб олинг. Товага 1-2 қошиқ ўсимлик ёғи солиб юмшоқ бўлгунга қадар қовуриб олинг. 
7. Қолган ёғни ўртача оловда қиздиринг. Қиймани солиб, 5-7 дақиқа давомида қовуринг. Қошиқ билан катта бўлакларни майдалаб олинг.
8. Гўшт, пиёз, тухум ва қўзиқоринларни гўшт майдалагичдан ўтказинг. Бироз туз, мурч ва майонез қўшиб, аралаштиринг.
9. Битта қуймоқни олинг ва ичига начинкани солиб, қаттиқ қилиб ўраб олинг.
10. Худди шу тарзда қолган қуймоқларнинг ичига ҳам начинка солиб ўранг.
11. Гўшт ва қўзиқориндан тайёрланган қуймоқни дастурхонга тортишдан олдин товада икки томонини озгина қовуриб олиш мумкин.

Ёқимли иштаҳа!