Мазали қийма ва картошка пюресидан тайёрланадиган запеканка нозик таъмни хуш кўрувчилар учун энг яхши вариант ҳисобланади. Унга ўзингизга ёққан кўкатларни қўшсангиз бўлади.
.jpg)
Керакли масаллиқлар:
- Пиёз — 1 дона
- селдерей — 1 боғ
- ўсимлик ёғи — 2 ош қошиқ
- қийма — 700-800 г
- томат пастаси — 2 ош қошиқ
- гўштли шўрва ёки сув — 250 мл
- туз — таъбга кўра
- мурч — таъбга кўра
- картошка — 700-750 г
- қовоқ — 600-650 г
- сариёғ — 2 ош қошиқ
Тайёрланиши:
- Пиёз ва селдерейни унча катта бўлмаган шаклда тўғраб олинг.
- Ўсимлик ёғини ўртача оловда қиздириб олинг. Пиёз ва селдерейни юмшагунча қовуринг.
- Қиймани бир неча дақиқа давомида пишириб олинг ва қошиқ билан катта бўлакларини майдаланг.
- Қовурилган қиймага томат пастасини қўшиб, яна 1-2 дақиқа давомида қовуринг. Унга шўрва ёки сув, туз ва мурч қўшинг.
- Қайнаб чиққандан кейин яна 20 дақиқа паст оловда пишириб олинг.
- Картошка ва қовоқни ўрта бўлакларга бўлиб олинг. Маҳсулотларни тузли сувда юмшоқ бўлгунга қадар қайнатиб олинг. Сувни тўкиб ташланг.
- Сариёғ қўшинг ва пюре тайёрлаш учун картошкани майдаланг.
- Массани қолипга солинг. Сабзавотли пюрени қолипга текис ёйинг.
- Запеканкани 35-40 дақиқа давомида 180 даража ҳароратда олдиндан қиздирилган печда пишириб олинг.
Ёқимли иштаҳа!
Изоҳ (0)