Nachinkasiga qiyma va qo‘ziqorin solib tayyorlanadigan quymoq mazali ta’mga ega. Unga kartoshka yoki boshqa sabzavot qo‘shib tayyorlasangiz ham bo‘ladi.
.jpg)
Xamiri uchun kerakli masalliqlar:
- tuxum — 4 dona
- tuz — bir chimdim
- sut — 250 ml
- suv — 120 ml
- un — 120 gr
- o‘simlik yog‘i — 3-4 osh qoshiq va moylash uchun
Nachinkasiga solinadigan mahsulotlar:
- tuxum — 3-4 dona
- qo‘ziqorin — 400-450 g
- piyoz — 1 dona
- o‘simlik yog‘i — 2-3 osh qoshiq
- qiyma — 450-500 g
- tuz — ta’bga ko‘ra
- murch — ta’bga ko‘ra
- mayonez — 1-2 osh qoshiq
Tayyorlanishi:
- Tuxumni tuz, iliq sut va iliq suv bilan vilka yoki ko‘pirtirgich yordamida yengil aralashtirib oling.
- Mahsulotlarga elakdan o‘tkazilgan unni qo‘shing va bo‘laklar qolmaguncha aralashtiring. O‘simlik yog‘ini solib, yana aralashtirib oling.
- Quymoq xamirini xona haroratida 15-20 daqiqaga qoldiring.
- Idishga ozgina o‘simlik yog‘ini soling. Quymoqlarni pishirib oling va salqin joyga qo‘ying.
- Tuxumni 10 daqiqa davomida qaynating va sovutib oling.
- Qo‘ziqorin va piyozni mayda qilib to‘g‘rab oling. Tovaga 1-2 qoshiq o‘simlik yog‘i solib yumshoq bo‘lgunga qadar qovurib oling.
- Qolgan yog‘ni o‘rtacha olovda qizdiring. Qiymani solib, 5-7 daqiqa davomida qovuring. Qoshiq bilan katta bo‘laklarni maydalab oling.
- Go‘sht, piyoz, tuxum va qo‘ziqorinlarni go‘sht maydalagichdan o‘tkazing. Biroz tuz, murch va mayonez qo‘shib, aralashtiring.
- Bitta quymoqni oling va ichiga nachinkani solib, qattiq qilib o‘rab oling.
- Xuddi shu tarzda qolgan quymoqlarning ichiga ham nachinka solib o‘rang.
- Go‘sht va qo‘ziqorindan tayyorlangan quymoqni dasturxonga tortishdan oldin tovada ikki tomonini ozgina qovurib olish mumkin.
Yoqimli ishtaha!
Izoh (0)