Тошкент шаҳри Мирзо Улуғбек туманида 10 февраль куни Spark пиёдани уриб юборди. Пойтахт Ички ишлар бош бошқармаси ахборот хизмати ҳолат юзасидан муносабат билдирди.
Маълум қилинишича, соат 17:00 да 2002 йилда туғилган Ш.Ш. бошқарувидаги Spark Мустақиллик шоҳкўчасида йўлни белгиланмаган қисмдан кесиб ўтаётган пиёдани уриб юборган.
Бунинг оқибатида пиёда олган жароҳатлари билан РШТЁИМ филиалига қўшма шикастланиш, 3–бўйин умуртқаси ёпиқ синиши каби оғир тан жароҳатлари билан касалхонага олиб борилган.
Мазкур ҳолат юзасидан Тошкент шаҳар Ички ишлар бош бошқармаси ҳузуридаги Тергов бошқармаси томонидан терговга қадар текширув ўтказилмоқда.
Мавзуга доир:
Изоҳ (0)