Тошкент вилояти Тошкент туманида 11 февраль куни поезд тагидан ўтаётган эркакнинг оёғи узилиб тушди. Бу ҳақда “Миллар” дастурида хабар берилди.
Маълум бўлишича, 83 ёшли фуқаро маст ҳолатда тўхтаб турган вагон остидан ўтмоқчи бўлганда поезд ҳаракатлана бошлаган. Унинг қўлидаги ҳасса ҳам бўлакларга бўлиниб кетган.
“Келес—Сариоғоч темир йўл линиясида эркак киши тўхтаб турган поезд тагидан ўтмоқчи бўлганда вагон ғилдираги босиб ўтиб кетган. Шифокорлар билан гаплашганимизда, эркакнинг аҳволи яхши эканини айтиб ўтишди. Биринчи тез тиббий ёрдам натижасида фуқаро соғлиғи тикланмоқда”, — дейди Саидакбар Нурмуҳаммедов.
Изоҳ (0)