Тошкент шаҳри Мирзо Улуғбек туманида 11 ёшли болани поезд вагони устида юқори кучланишли электр токи урди.
Маълум қилинишича, мазкур ҳолат 18 декабрь куни соат 16:10 да содир бўлган. Бола бунинг оқибатида поезд устидан ерга йиқилиб тушган.
«Хабарга кўра, Нурҳаёт темир йўл бекатидаги юк вагонларининг устига чиққан вояга етмаган ўсмир ток уриши оқибатида оғир тан жароҳати олган», — дейди мутасадди инспектор Саидакбар Нурмуҳаммедов.
Мутахассис Анвар Саидхўжаевнинг айтишича, бола ерга йиқилиб тушгач, темир йўлчилар унга биринчи тез ёрдамни кўрсатган. Шундан сўнг Чилонзор туманидаги 16-сонли шифохонага ётқизилган.
«Марказимизга 18 декабрь куни 11 ёшли ўсмир олиб келинган. Беморнинг аҳволи жуда оғир эди. Тананинг 80 фоизи куйган. Ҳозирда унинг аҳволи яхшиланган ва стабил ҳолатда», — дейди комбустиология бўлими мудири Собир Шукуров.
Мавзуга доир: Сирдарёда трансформатор остига кириб қолган кучукни олмоқчи бўлган 2-синф ўқувчисини ток урди
Изоҳ (0)