Тошкент вилоятида энергия ресурсларидан ноқонуний фойдаланганиш ҳолатлари оқибатида 70 млрд сўмдан зиёд зарар етказилди. Бу ҳақда Энергетика вазирлиги ахборот хизмати хабар берди.
Хабарга кўра, Тошкент вилояти прокуратураси томонидан ўтказилган назорат тадбирларида 1565 та ҳолатда энергия ресурсларидан, шундан 854 ҳолатда газ, 711 ҳолатда электр, 3 та ҳолатда кўмир, 2 та ҳолатда газ ва бензиндан ноқонуний фойдаланиш ҳолатлари аниқланди.
Бунинг натижасида давлат манфаатларига 72 миллиард сўмдан зиёд зарар етказилгани маълум бўлган. МИБнинг Тошкент тумани бўлими томонидан йил бошидан буён 48 та 1,5 миллиард сўмдан ортиқ коммунал ташкилотлар фойдасига ундирув билан жиноий иш ҳужжатлари мавжуд. Шундан ҳозирги кунга келиб 21 та 900 миллион сўмдан ортиқ қарздорлик тўлиқ ундирилди. Бундан ташқари, қарздорлигини тўламаган қарздорларнинг мол-мулки ундириш чоралари кўрилмоқда.
Изоҳ (0)