Аксарият озиқ-овқатлар янгилигида фойдали, аммо музлатилганида сифатини йўқотади. Шунинг учун уларни сотиб олмаган маъқул. Жаҳон музлатилган озиқ-овқат саноати йирик бизнесдир. 2022 йил маълумотларига кўра 2021 йилдаги 252,19 миллиард доллардан 2030 йилга келиб 389,90 миллиард долларгача ўсиши кутилмоқда. Бу музлатилган маҳсулотларнинг дўконларда сони сезиларли даражада ошади деганидир. Бироқ, озиқ-овқат харид қилишдан олдин тажрибали ошпазларнинг фикрларига қулоқ тутиш зарур. Уларнинг фикрича, музлатилган шаклда бир қатор маҳсулотларни сотиб олишдан қочиш керак.
Брокколи
Ошпаз Сюзан Ирбининг сўзларига кўра, музлатилган брокколини пиширганда жуда юмшоқ бўлади. Аммо бу чалғитувчи ҳолат. “Ишлаб чиқарувчилар музлатилган пояларни асосан сифатсиз қадоқларда етказиб беришади”, — дейди у. Ошпаз, рецепт яратувчиси, фотограф ва “The Forked Spoon” китобининг муаллифи Жессика Рандхава брокколи нозик сабзавот эканини, музлатилганда ўз таъмини йўқотишини таъкидлайди. “Энг ёмони, брокколи каби нозик сабзавот музлатилганида ўз озуқаларини йўқотади”, — дейди MealFan ошпази ва бош директори Эрик Сорносо. “Муз кристалларининг пайдо бўлиши ҳужайралар ёрилишига олиб келади. Бу сув фаоллигини камайтириши ва озуқа моддаларининг йўқолишига сабаб бўлади”, — деб тушунтиради у. Шундай қилиб, музлатилган сабзавотларни истеъмол қилсангиз, ҳеч қандай озуқавий қийматга эга бўлмайсиз.
Нон
Гарчи кўпчилик хамир маҳсулотларини музлатишни тавсия қилса-да, бу самарали эмас. “Нон музлатилганда унинг консистенцияси ўзгаради”, — дейди ошпаз Дана Бужалски. Агар нонни яхши кўрадиган бўлсангиз, ҳозиргина тандирдан узилганидан яхшироғини топа олмайсиз. Дўконда сотиб олинган музлатилган нонга кўнглингиз тўлмаса, уйда ўзингиз нон пиширишни ўйлаб кўринг.
Бургер учун котлетлар
“Музлатилган бургер котлетлари сотиб олишга арзимайди”, — дейди Жоржтаун (Техас)даги City Post Chophouse компаниясининг ошпази Адриан Коркил. Ҳар доим озиқ-овқат дўконидан янги қийма гўшт сотиб олинг ва зираворлар қўшинг, бу музлатилгандан кўра яхшироқ таъмга эга.
Ёғсиз протеин (балиқ, денгиз маҳсулотлари, товуқ)
Музлатилган балиқ, денгиз маҳсулотлари ва товуқ гўштидан бир нечта ишончли таомлар тайёрлаш кафолатлатланган бўлса-да, Пазандачилик таълими институтининг ошпазлик санъати ва озиқ-овқат операциялари бўйича етакчи мутахассиси Шон Матиевич ушбу тоифадаги овқатлардан узоқроқ туришни тавсия қилади. “Ҳақиқатан ҳам ёғсиз маҳсулот музлаткичда яхши сақланмайди”, — дейди у. Ҳар қандай протеин, уни музлатиб қўйганингизда, оқсилнинг ҳужайра деворларини бузади ва ундаги барча суюқлик оқиб чиқади. Ошпазнинг таъкидлашича, бу таъсир бранзино ва Чили денгиз басти каби ёғли оқсилларда унчалик сезилмайди.
Қулупнай
Бутун йил давомида мавсумий витаминларни сақлаб қолиш учун кўплаб резаворлар хавфсиз тарзда музлатилади. Бироқ, бу тажриба қулупнайда иш бермайди. “Қулупнай, ғовакли табиати туфайли сув билан тўйинган ва музлатилганида том маънода бу парчаланиб кетади”, — дейди Сюзан Ирби. Музлатилган қулупнайни, ҳатто, сметанага ҳам қўшиш тавсия этилмайди. Музлатилган қулупнайдан компот тайёрлаган маъқул.
Қаймоқли десерт учун хамир
“Заварной” хамири музлатилган ҳолатда яхши сақланмайди. Мисол учун, кремли эклерлар тайёрлаганда, чамадон шаклли пишириқ кўпиртирилган қаймоқ билан тўлдирилганда (қаймоқли пишириқлар) “қарсилдоқ ғовак” пайдо бўлади, бу эса маҳсулот тез бузилишига олиб келади. Auguste Escoffier ошпазлик санъати мактаби ходими Сара Гундерсон музлатилган қаймоқли пишириқлари янгиларидек хуштаъм бўла олмайди, деб ҳисоблайди.
Мавзуга доир:
Изоҳ (0)