Дўкондан ўзингиз ҳали кийиб кўрмаган ва сиздан аввал ҳам ҳеч ким кийиб кўрмаган янги, ўрамдан ҳозиргина ўзингиз очган буюмни олиб келган бўлсангиз, уни кийишдан олдин бир марта ювинг.
Янги нарса учун доим ишлов бериш даврлари
Янги кийимлар ўзи билан бирга уйга яна нималар олиб келиши ҳақида жуда озчилик ўйлайди. Аммо дўкондаги жавонга тушишидан олдин ҳар қандай кийим бир нечта қайта ишлаш даврларидан ўтади.
Биринчи цикл — оқартириш
Дастлаб барча табиий матолар (толалар) тўқ жигаррангда бўлади. Табиий рангини йўқотиш учун улар оқартиргич, водород перикс, кислоталар ёки бошқа оқартиргичларга намланади. Кейин қуритилади ва тозаланади. Матода нима қолади? Тўғри, у оқартирилган эритманинг энг кичик қуриган зарралари. Ва сайқаллаш билан реакцияга киришган пигмент қолдиқлари.
Агар сиз ушбу янги тикилган кийимни кийсангиз ва терингиз таъсирчан бўлса, унда тирналиш пайдо бўлади. Енгил қичишдан тортиб оғир дерматитгача.
“Стоп. Мен оқ эмас, рангли кийимлар кияман!” Яхши
Иккинчи цикл — матони бўяш ёки тайёр нақшлар бостириш
Жараён аввалгидек. Матога нам бўёқ (анилин бўёқлари) қўлланади, шундан сўнг у қуритилади. Мато қанчалик текстурали ва қалин бўлса, унда қуритилган бўёқнинг майда заррачалари шунчалик кўп қолади.
Табиий шаклида ҳам кўпчилик анилин бўёқлари кансерогендир. Кийимларни бўяш мумкин эмас, чунки бўёқ сувда эримайди. Аммо улар терингиз орқали организмга тушади.
“Одатда бўялмаган ва оқартирилмаган кийимлар кияман!” Яхши
Учинчи давр — сотишдан олдинги тайёргарлик
Кийимларни тайёрлаш вақтида, ҳатто энг табиийларини ҳам, моғорлаб қолмаслиги ва букланиб кетмаслиги учун улар контейнерларда Хитойдан дўконга олиб кетилаётганда барчаси қайта ишланади. Янги кийимларга сув ўтказмайдиган воситалар билан ишлов берилади, ушбу кимёвий воситаларнинг гиппоаллерген экани ҳақида, ишонинг, биров қайғурмайди. Шунингдек, матода чуқур текислаб бўлмайдиган бурмалар ҳосил бўлмаслиги учун формалдегид қатрони билан ишлов берилади.
Ип ғалтакни биринчи марта тўқув дастгоҳига қўйган пайтдан бошлаб тайёр кўйлак сизнинг қўлингизга етиб боргунга қадар матони ҳеч ким ювмайди. Уларга фақат терингизга шифо бермайдиган турли хил моддалар қўлланади.
“Э, ҳа. Тунов куни олдингизда юбка кийиб кўрган ҳуснбузарли ўша қизни унутмайлик”
Шунинг учун сотиб олгандан сўнг дарҳол янги нарсани кийиб кўрсатишга қанчалик шошсангиз ҳам, аввал уни бир марта ювиб олинг.
Мавзуга доир:
Изоҳ (0)