“Тез ювиш режими” кўплаб уй бекаларининг севимли дастури ҳисобланади. Бу режимда кийимларни қисқа вақт давомида ювиш мумкин ва шу билан бирга энергия сарфини камайтирса бўлади. Бу икки сифат электр энергиясида узилиш ҳолати кўп бўлса янада кераклидир. Бироқ бу режимда ҳамма нарсаларни ҳам ювиб бўлмайди.
“Тез ювиш режими”да қандай кийимларни ювмаслик керак?
Биринчидан, нарсалар жуда кир бўлса, ушбу режимдан фойдаланмаган маъқул. Ушбу дастур паст ҳароратда ювишни ўз ичига олади, бу эса кир кийимни яхши тозаламаслиги мумкин.
Иккинчидан, чойшаблар ва сочиқларни камида 60 даража ҳароратда ювиш лозим. Бу кийимлардаги майда зараркунандалардан қутилиш учун керак. Бундан ташқари, бундай уй-рўзғор буюмлари жуда кўп сувни ўзлаштиради ва барабан устида бир текис тақсимланиши учун вақт бўлмайди. Бундай ҳолатда улар кир ювиш машинасига зарар етказиши мумкин.
Учинчидан, қўлда ёки нозик ювишни талаб қиладиган нарсаларни “тез ювиш режими”да эҳтиёткорлик билан ювмасангиз, бу севимли нарсаларингизга зарар етказиши мумкин.
“Тез ювиш режими”да қандай нарсаларни ювиш мумкин? Бу режимда бардошли ва жуда ифлос бўлмаган нарсаларни идеал тарзда ювиш мумкин. Бундан ташқари “тез ювиш режими” ёқимсиз ҳидларни тезда кетказиш ва янгидек ҳолатга келтиришнинг энг яхши варианти ҳисобланади.
Кир ювиш машинасида қандай кийимларни ювиш мумкин эмас?
Хўш, кир ювиш машинасининг “тез ювиш режими”да принципиал равишда қандай кийимларни ювиш мумкин эмас?
- сузиш кийимлари ва ички кийимлар;
- бисерли кийимлар;
- табиий чармдан бўлган кийимлар;
- кепка ва шлялар;
- ортопедик ёстиқлар;
- ёнувчан моддаларнинг доғлари бўлган нарсалар;
- катта ҳажмли нарсалар (уларни куч билан итаришга уринманг).
Қайси режимда ҳамма нарсани ювиш яхшироқ деган саволга жавоб оддий эмас. Кўпчилик “тез ювиш режими”ни ёқтиради, ундан фойдаланмаслик керак бўлган ҳолатлар мавжуд. Шу билан бирга, замонавий кир ювиш машиналари гардеробингиздаги деярли ҳар бир нарсани тозалашга ёрдам берадиган жуда кўп имкониятларни тақдим этади.
Изоҳ (0)