Айтиш керакки, аксар хонадонларда совун қолдиқлари ишлатилмасдан йиғилиб қолаверади. Совун ўрнини босувчи турли суюқ совунлар, душ гелларидан фойдаланиш урфга кирган. Агар одатий қаттиқ совун сизга афзал бўлса, унинг қолдиқлари билан нималар қилиш мумкинлиги билан танишиб олинг.
1. Совун бўлагини очиб-ёпишда тиқилиб қолаётган куртка “замоки” устидан яхшилаб ишқалаб чиқинг.
2. Ҳовлини бегона ўтлардан тозалашдан олдин тирноқлар остига кир тўпланиб қолмаслиги учун уларни совун билан тўлдиринг.
3. Пардалар, юбка ёки шимларни қирқиш керак бўлган мато устидаги чизиқни белгилаш учун бўр ўрнига қолдиқлардан фойдаланинг. Бўрдан кўра совунни тозалаш осонроқ.
4. Ўсимлик зараркунандаларига қарши хавфсиз маҳсулот тайёрланг. Ишлатиб бўлинган пуркагичли идишга майдаланган совунни сув билан аралаштириб, баргларнинг пастки қисмига сепинг. Яна бир йўл: эски тўрли сеткаларга совун қолдиқларини солиб мевали дарахтларга илиб қўйинг. Совун ҳиди турли зараркунандаларни даф қилади.
5. Ҳамиша ёдда тутиш керак бўлган машҳур усул: совундан тайёрланадиган игналар учун ёстиқча. Бир парча совунни мато билан ўранг ва игна ва тўғноғичларни ёпиштириб қўйинг.
6. Ҳарорат ўзгариши сабабли ойна ва кўзойнаклар терламаслиги учун уларнинг юзасини совунли эритмада артиб олинг.
7. Фойдаланилаётганига анча вақт бўлган ёғоч тортмаларни очишда худди чақмоқдек овоз чиқарса ва тиқилиб қолаверса, уларни совун билан ёғлашингиз мумкин. Ҳаракатланиши бўйлаб бир бўлак совунни суриб чиқинг. Энди тортмалар жуда осон ва чийиллашсиз очилади.
8. Ёғоч полнинг тахталари ғичирлай бошласа, озгина совунли сув ёрдам беради.
9. Винтларни қўл ёрдамида осон қотириш учун уларни бир оз ёғлаш ёки совунга ишқалаб олиш керак.
10. Совун ёрдамида, ҳатто, итингизни мебелни ғажиб олишидан ҳимоя қила оласиз. Мебелнинг оёқларига совун суриб чиқинг, кучук уларга ортиқ яқинлашмайди.
11. Кроссовка ёки ёмон ҳид келаётган бошқа оёқ кийимингизга кечаси бир бўлак совун солиб қўйинг.
12. Агар қулфни очишда тиқилиб қолаётган бўлса, силжишини осонлаштириш учун калитга совун ишқаланг.
13. Совун узоқ вақтлардан буён турли хушбўй ҳид таратувчи воситалар ўрнини босиб келмоқда. Шу боис кўпчилик тўшак ва кийим-кечаклари орасида, тортмаларда совун сақлашади.
14. Совун ҳашаротлар чақишидан кейин қичишишни тинчлантиришга ёрдам беради. Бунинг учун, айниқса, кичик қолдиқлардан фойдаланиш қулай.
15. Совун эритмаси девордан эски гул қоғозларни олиб ташлашга ёрдам беради. Совун ва сувни аралаштириш орқали эритма тайёрланг, деворларга сепинг ва гул қоғозларни юлиб олишни бошланг.
16. Очиқ оловда пишираётганда чўян қозонинг тубини совун билан ишқалаб қўйсангиз қозон у қадар қорайиб қолмайди.
17. Дарвоқе, совун қон ва ўтдан қолган доғларни кетказишда яхши ишлайди. Бундай доғлардан халос бўлишни истасангиз, совундан фойдаланинг.
18. Велосипед шинасидаги тешилган жойни топиш учун камарни совунли сув билан артиб олинг. Ҳаво пуфакчалари пайдо бўлган жойда тешик бор.
19. Совун девордаги винтлар ва михларнинг изларини ниқоблаш учун ҳам ишлатилиши мумкин. Бунинг учун девор рангига ўхшаш совун танланса кифоя.
20. Ва, албатта, совун чийилловчи илмоқлар билан ажойиб курашади. Эски дарвоза ёки хонанинг эшиги сизни безовта қилмаслиги учун уларни совун билан ишқаланг.
Мавзуга доир:
Изоҳ (0)