Оддий тиш ковлагичдан фойдаланишнинг 15 та ноодатий усули 

Ўткир тиш ковлагичлар тиш ва оғиз бўшлиғи гигиенасининг муҳим воситаларидан биридир. Унинг ёрдамида сиз тиш чўткаси етиб бориши қийин бўлган жойларни озиқ-овқат қолдиқларидан тозалай оласиз. Тиш ковлагични нафақат мақсадига кўра, балки уй шароитида турли ҳолатларда ишлатиш мумкинлиги бўйича баъзи фойдали маслаҳатларни билиб олиш фойдадан ҳоли бўлмайди.

1. Бисквитнинг тайёрлигини текшириш учун тиш ковлагичдан фойдаланинг. Кекс ёки пирогни бу митти таёқча билан тешиб, унда хамир излари қолмаганлигини текширинг. Агар тиш ковлагич қуруқ ва тоза бўлса, ширинлик бутунлай пишиб бўлди.
2. Тиш ковлагич ёрдамида сиз смартфон ғилофини чанг ва қолдиқлардан осон тозалашингиз мумкин. Кўзга кўринмайдиган майда ифлослантирувчи моддалар қурилманинг ишлашига таъсир қилади ва уни муддатидан олдин ишдан чиқишига сабаб бўлиши ҳеч гап эмас.
3. Гулга сув қуйиш керакми, йўқми, билолмаяпсизми? Тиш ковлагични тупроққа чуқур ботириб, хонаки ўсимликларга сув керакми ёки йўқ — текширинг. Агар нам тупроқ таёқчага ёпишиб қолса, сиз гулни суғоришингиз шарт эмас.
4. Майда буюмларга елим суриш учун апликатор сифатида тиш ковлагичдан фойдаланинг. Шундай тариқа ортиқча нарсаларни ёпиштирмасдан ишни чиройли бажарасиз.
5. Тиш ковлагич ёрдамида хонаки гулнинг синган поясини сақлаб қолиш мумкин. Синган жойни бир нечта тиш чўткаси билан айлантириб ўраб олинг ва шикастланган жойни ёпишқоқ лента билан ўранг. Агар поядаги асосий “артериялар” узилмаган бўлса, вақт ўтиши билан тўқималарнинг бирлашиши эҳтимоли бор.
6. Идиш қопқоғи остига бир нечта тиш ковлагич қўйинг. Бу буғ чиқишини таъминлайди ва пишириш вақтида овқат тошиб кетишига йўл қўймайди.
7. Янги картошка пўстини арчмасдан пиширилган таомни ёқтирасизми? Ҳар бир учига бир жуфт тиш ковлагичдан тиқиб, унга “оёқлар” ясанг. Картошкани пишириш листига қўйинг ва печда пиширинг. Ушбу усул сабзавотларни бир текисда пишишига ёрдам беради.
8. Ғалтакда йўқолиб қолмаслиги учун лентанинг учини тиш ковлагичга ўраб, ғалтакка қистириб қўйинг.
9. Шам ёқиш учун тиш ковлагичдан фойдаланинг. Улар гугуртга қараганда анча узоқроқ ёнадилар: битта таёқча туғилган кун тортидаги шамларни ёқиш учун етарли.
10. Агар саримсоқ бўлакларини қозонга вақтинча, яъни таъми ва ҳиди пайдо бўлганидан кейин олиб ташламоқчи бўлсангиз, уни тиш ковлагичга ёпиштиринг — бу сизга идишлардан қайнатилган зираворларни тезда топишга ёрдам беради.
11. Майда дон ва уруғлар учун тупроқда микро чуқурчалар ҳосил қилишда тиш ковлагичлардан фойдаланинг.
12. Тиш ковлагичлар соч тароқлари ва уй ҳайвонларининг чўткаларни тозалаш учун жуда мос келади. Юпқа ёғоч таёқчалар, ҳатто, тароқ тубига ёпишиб қолган ингичка соч толаларини ҳам тортиб олишга қодир.
13. Сиз ҳовлидаги сув сепадиган шлангдаги тешилган жойни маҳкамлашда тиш ковлагичдан фойдаланишингиз мумкин. Сув тўхтагунча таёқни тешикка тиқинг. Ортиб қолган ерини синдириб, шикастланган жойни ёпишқоқ тасма билан бир неча қатлам айлантириб ўранг.
14. Кўзойнак рамкасининг винти чиқиб кетса, уни тиш ковлагич билан алмаштиринг. Таёқчанинг ўткир четини тешикка тиқинг ва уни бир неча марта босим билан айлантиринг. Сўнг тиш ковлагичнинг ортиқча қисмини синдириб ташланг. Бу ечим, албатта, вақтинчалик, аммо профессионал таъмирлашдан олдин шу ҳолда кўзойнакни тақиш мумкин бўлади.
15. Мева ва сабзавотлардан совға гулдастасини тайёрлаш учун тиш ковлагичдан фойдаланинг. Гул дўконидан ўсимликларга мўлжалланган махсус шимгични олинг (сиз уни асос сифатида ишлатасиз) ва уни тоза пергамент қоғоз билан ўранг. Танланган сабзавот, мева ва резаворларни тиш ковлагичга, тиш ковлагични эса шимгичга ёпиштиринг. Гулдастани декоратив кўкатлар ва гуллар учун қоғоз билан безанг.

Мавзуга доир:

• Нима учун дафна япроғини ёқиш ёки полни туз билан ювиш керак: уйда микроиқлимни яхшилаш учун лайфхаклар
• Совун қолдиқларидан самарали фойдаланиш учун 20 та лайфхак
• Кўйлакни дазмолсиз текислаш, телевизор пульти учун энг қулай жой ва яна 9 та янги лайфхаклар