Япониянинг Хамамацу шаҳридаги (Сидзуока префектураси) соҳилдан диаметри 1,5 метр бўлган шубҳали темир шар топилди, деб хабар бермоқда TV Asahi.
Шар Эншу пляжида топилган. Уни икки-уч кун аввал маҳаллий аҳоли вакили пайқаб қолган, 21 февраль куни унинг турмуш ўртоғи соҳилда “катта думалоқ буюм” ётгани ҳақида полицияга хабар берган.
Воқеа жойига етиб борган полициячилар 200 метр рadiusда пляжга киришни чеклаб қўйди. Объект ҳақида маълум ягона нарса шуки, у темирдан ясалган, чунки унинг юзасида занг излари бор, шунингдек, объект икки ёнида илгак ўтказишга мўлжалланган бўртиқлар мавжуд, деб таъкидлади телеканал. Қирғоқ қўриқлаш хизмати текширув бошлаган.
13 февраль куни Грузиянинг Батумисида Қора денгизда портлаш содир бўлганди. Кейинчалик маълум бўлишича, қирғоқдан 25 метр узоқликда денгиз минаси портлаган, қурбонлар ва вайроналар йўқ. Гувоҳларнинг айтишича, улар кучли портлаш овозини эшитган. Мина қаердан келиб қолгани номаълум, Грузия Ички ишлар вазирлиги жиноий иш очган.
Изоҳ (0)