Жанубий Корея ҳарбийлари мамлакат ҳаво ҳудудига Шимолий Корея ҳаво шари кирганини маълум қилди. Бу ҳақда Reuters хабар берди.
Ҳарбийлар 5 февраль куни мазкур шарни кузатган, у ҳеч қандай хавф туғдирмаслиги маълум қилинган. Жанубий Корея Мудофаа вазирлиги баёнотида бунга жавобан номаълум "чоралар" кўрилгани қўшимча қилинади. Ҳаво шари Жанубий Корея ҳаво ҳудудини бир неча соатдан кейин тарк этган. Расмийлар бу айғоқчи шар эмаслиги, балки митеозонд эканини айтмоқда.
Мазкур маълумот АҚШ осмонида Хитойнинг учар объекти аниқланганидан сўнг пайдо бўлди. Бу эса Пекин билан муносабатларни янада кескинлаштирди, Хитой ҳаво шари метеорологик мақсадларда учирилганини иддао қилди. АҚШ ҳарбийлари учар объект стратегик объектларни кузатишга мўлжалланганини маълум қилиб, қирувчи самолётлар ёрдамида уни уриб туширган.
Изоҳ (0)