Yaponiyaning Xamamatsu shahridagi (Sidzuoka prefekturasi) sohildan diametri 1,5 metr bo‘lgan shubhali temir shar topildi, deb xabar bermoqda TV Asahi.
Shar Enshu plyajida topilgan. Uni ikki-uch kun avval mahalliy aholi vakili payqab qolgan, 21-fevral kuni uning turmush o‘rtog‘i sohilda “katta dumaloq buyum” yotgani haqida politsiyaga xabar bergan.
Voqea joyiga yetib borgan politsiyachilar 200 metr radiusda plyajga kirishni cheklab qo‘ydi. Obyekt haqida ma’lum yagona narsa shuki, u temirdan yasalgan, chunki uning yuzasida zang izlari bor, shuningdek, obyekt ikki yonida ilgak o‘tkazishga mo‘ljallangan bo‘rtiqlar mavjud, deb ta’kidladi telekanal. Qirg‘oq qo‘riqlash xizmati tekshiruv boshlagan.
13-fevral kuni Gruziyaning Batumisida Qora dengizda portlash sodir bo‘lgandi. Keyinchalik ma’lum bo‘lishicha, qirg‘oqdan 25 metr uzoqlikda dengiz minasi portlagan, qurbonlar va vayronalar yo‘q. Guvohlarning aytishicha, ular kuchli portlash ovozini eshitgan. Mina qayerdan kelib qolgani noma’lum, Gruziya Ichki ishlar vazirligi jinoiy ish ochgan.
Izoh (0)