ICE биржаси маълумотларига кўра, кимошди савдосида Европада газнинг биржа нархлари 5 фоизга тушиб, 1 минг куб метр учун 545,2 долларгача пасайди. Бу ҳақда “Коммерсант” хабар бермоқда.
-37.jpg)
Газ нархи 2021 йил 26 августдан бери биринчи марта 1000 куб метр учун 550 доллардан пастга тушди.
TTF индекси (Европадаги энг йирик газ маркази) бўйича март ойидаги газ фючерслари савдолар очилишида 1000 куб метр учун 566,3 долларга сотилган бўлиб, олдинги ёпилишдан 1,6 фоизга йўқотилган. Тошкент вақти билан соат 12:25 га келиб газ нархи 1000 куб метр учун 545,2 долларгача пасайди.
Европада газ нархи 2023 йил бошида пасайишни бошлади. Январь ойи ўрталарига келиб, газнинг биржа нархлари 25 фоизга тушди.
Шунингдек, февраль ойида суюлтирилган газ (LNG) нархи 18 ойлик энг паст даражага етди. Бу АҚШдаги энг йирик суюлтирилган газ заводи Freeport LNG бозорига қайтиши ҳақидаги маълумотлардан кейин содир бўлди.
Изоҳ (0)